KUTOB na lamang sa adlawng Miyerkules, Enero 30, ang pag-renew sa mga business permit human gilugwayan sa lokal nga kagamhanan ang hangyo sa sektor sa mga negosyante.
Naghangyo ang mga negosyante pinaagi kang Oro Chamber President Irene L. Floro ug Misamis Oriental Filipino-Chinese Chamber of Commerce and Industry Inc. President nga si Simon L. Ching ug positibo usab kining gitugotan sa lokal nga panggamhanan sa dakbayan.
Giklaro ni Mayor Oscar Moreno nga magbayad na aron nga malikay sa mga multa.
Gipahinumdoman usab sa Acting City Treasurer nga si Jasmin Maagad nga ang multa anaa sa 25 porsiyento surcharge ug 2 porsiyento matag bulan human sa extended deadline sa business permit renewal.
Nagpadayon usab sa pag-operate ang Business One-Stop Shop sa City Hall gikan alas 8 sa buntag hangtud alas 7 sa gabii ug bukas usab ang mga satellite business registration centers sa SM Downtown Premier ug SM City Uptown sugod alas 10 sa buntag hangtud alas 5 sa hapon. (KCS)