GIKWESTIYON sa nagbinutong nga oposisyon sa konseho sa Lapu-Lapu City si Atty. Jeannify Tan-Dungog ang giingong anomalusong transaksiyon sa pagpa-ayo sa karaang heavy equipment niadtong 2015 nga mokantidad sa P4 milyones diin matod pa nipagawas ang siyudad sa 90% sa maong kantidad nga gibayad sa kontraktor.
Apan giingong wa magamit ang maong heavy equipment sa pasangil nga wa gyud mapa-ubos sa repair gumikan sa ka-daan (obsolete) na niini.
Si Mayor Paz Radaza sa iyang bahin mipasabot nga mipagawas og pundo ang iyang buhatan nga gibayad sa kontraktor SSVF-DD human nga kompleto na sa pirma ang "Accomplishment Report" nga pirmado sa mga department heads concerned sa pagtuo nga na-ayo sa Grader.
Diha nalang niya nasayran sa dihang adunay findings ang COA nga nag-kuwestiyon sa maong transaction.
Tungod niini ang siyudad mipadala og demand letter sa contractor sa pagpa-uli sa kapin sa P3 milyones nga nabayad.
Nibahad ang siyudad nga mosang-at og reklamo sa kontraktor sa higayon nga dili mabawi ang kantidad samtang gipatagsa-tagsa niya og pangutana ang tanang department heads nga involved.