GIPANGULOHAN sa kasamtangang Rookie of the Year nga si Ben Simmons ug star rookie Luka Doncic ang batan-ong mga magduduwa nga mopakita og aksyon sa National Basketball Association (NBA) All-Star weekend Rising Stars challenge.
Si Simmons, kinsa usa ka Australian, usa sa mga pambato sa Philadelphia 76ers samtang si Doncic, kinsa usa ka Slovenian, mao ang labing bag-ong pambato sa Dallas Mavericks.
Ang duha moduwa alang sa Team World nga makigbatok sa Team USA. Ang Team World gilangkuban og mga magduduwa nga dili mga Amerikano.
Ang ubang mga sakop sa Team World mao sila si Toronto Raptors forward OG Anunoby (United Kingdom), Phoenix Suns center Deandre Ayton (Bahamas), Sacramento Kings guard Bogdan Bogdanovi (Serbia), LA Clippers guard Shai Gilgeous-Alexander (Canada), Nets forward Rodions Kurucs (Latvia), Chicago Bulls forward Lauri Markkanen (Finland), Minnesota Timberwolves guard Josh Okogie (Nigeria) ug Cleveland Cavaliers forward Cedi Osman (Turkey).
Ang Team USA pangulohan ni Donovan Mitchell sa Utah Jazz.
Ang ubang mga sakop sa Team USA mao sila si Brooklyn Nets center Jarrett Allen, Sacramento Kings forward Marvin Bagley ug guard De’Aaron Fox, Los Angeles Lakers guard Lonzo Ball ug forward Kyle Kuzma, Atlanta Hawks forward/center John Collins ug guard Trae Young, Memphis Grizzlies forward/center Jaren Jackson ug Boston Celtics forward Jayson Tatum.
Ang Rising Stars Challenge ipahigayon sa Charlotte, North Carolina karong Pebrero 15, duha ka mga adlaw sa dili pa ang gikaintapang All-Star Game.
Sa miaging tuig, ang Team World ningmakmak sa Team USA, 155-124. (AP)