KINSE ka mga bangiitang magsusuwat sa Sugbuanong literatura human sa World War II maoy sentro nga kalihokan sa pagsaulog sa ika-50 nga anibersaryo sa Bathalan-ong Halad sa Dagang (Bathalad) Sugbo, ang labing dugay nga kahugpongan sa mga magsusuwat sa habagatan sa Pilipinas.
Ang mga pasidungog, giila nga Kaplag 15, mohatag og kompirmasyon sa mga Bisdak creative writer atol sa tinuig nga kombensiyon sa Bathalad Sugbo karong Pebrero 25.
Ang Bathalad Sugbo gitukod ni Dr. Melquiadito M. Allego Jr. niadtong Agusto 19, 1969 atol sa usa ka panagtapok sa kanhi lungsod ug karon dakbayan sa Talisay.
Ang Cebu Provincial Government, atol sa pagdumala ni kanhi Gobernador Gwen Garcia, nihatag og pasidungog nga Garbo sa Sugbo alang sa Literature ngadto ni Allego niadtong 2012.
Usa ka serye sa mga kalihokan ang nakalatid ning tuiga sa pagsaulog sa ika-50 nga kasumaran sa kahupognan.
Ang Bathalad Sugbo ug Palm Grass Cebu Heritage Hotel naghiusa sa paglusad sa proyekto sa Kaplag 15, ang pagpangita sa 15 ka banggiitang magsusuwat sa dihang Sugbuanon.
Ang Kaplag 15 awardees mao sila si Allego, poet-diplomat Vicente Bandillo, Erlinda K. Alburo, Ernesto D. Lariosa, Lamberto G. Ceballos, lawyer Potenciano “Junne” Cañizares, Roger Pono, Marcelo Geocallo, lawyer Cesar P. Kilaton, Ricardo Baladjay, Ricardo Patalinjug, Gremer Chan Reyes, Edfer C. Rigodon, Don Pag-usara ug Arturo G. Peñaserada.
Ang Palm Grass Hotel mohatag og libre nga lawak alang sa matag awardee nga dili taga Sugbo ug diskwento sa mga pagkaon.
Tulo ka sa mga pasidunggan gikan sa Mindanao, usa nagpuyo na sa Manila ug duha ang nagbase sa United States.
Sila award-winning creative writers nga nagpadayon sa ilang pasyon sa pagsuwat sulod na sa kapin sa 40 ka tuig.
Dunay literary lectures sa inilang magsusuwat maoy kalihokan sa buntag. Pagkahapon, ang pagpangtunol sa tropeyo ug pag-ila sa special awardees.
Ang tanan miyembro sa Bathalad Sugbo giawhag sa pagtambong sa convention, diin ipahigayon sa samang dapit sa Palm Grass Hotel sa Junquera St., dakbayan sa Sugbo.
Ang nga interesadong indibiduwal gihangop sa pagsaksi sa kalihokan. (PR)