P159M alang sa turismo sa MisOr

MOKABAT sa P159 milyon ang pundo alang sa pagtibawas ug pagsemento sa kadalanan sa mga tourism site sa Misamis Oriental.

Kini ang gibutyag ni Atty. Jeffrey Saclot, ang Misamis Oriental Tourism Department head.

Dugang niini nga tumong sa pagtibawas sa kadalanan aron mas mapasayon ang pagbisita sa lokal ug mga langyaw nga turista.

Ang Provincial Engineering Office na dayon ang mo-implementar niini.

Matud ni Saclot nga prayoridad nga programa ni Misamis Oriental Governor Yevgeny Vincente Emano ang palamboun ang turismo sa lalawigan gumikan makahatag kini og dakong ekonomiya sa katawhan sa probinsya.

Mas gitutokan ang infrastruktura aron ang mobisita sa mga tourist sites ang magbalik balik.

Ang probinsya adunay gasa sa kinaiyahan nga 70 kapin ka waterfalls ug hot springs, duha ka white islands kon diin dili tanan ang nakadiskubre ug wala pa kini nadevelop.

Dugang ni Saclot nga naningkamot sila karon nga usa-usa kining mapalambo. (SVB)