ANG tipik sa kasaulogan sa Chinese New Year gisugdan mga alas 5, Huwebes sa hapon, Enero 31.
Ang maong selebrasyon usa sa mga dagkong kalihokan sa Cagayan de Oro.
Sa Pebrero 5, ang mismong adlaw sa kasaulogan niini apan usa kini ka semana nga kalihokan.
Matud ni Mayor Oscar Moreno nga dili ikalimod nga usa sa mga dakong grupo usab ang mga Chinese nga ania sa dakbayan ug gani daghan na usab ang mga Kagay-anon.
“Another celebration, this time with the Chinese world of course the Filipino community joins then Chinese world in celebrating Chinese New Year, we honor all the major sectors, major groups after all they are from Cagayan de Oro, many of them are in fact more Kagay-anons,” matud ni Moreno.
Gibutyag usab niini nga luyo sa kabalaka sa seguridad padayon gihapon ang mga kalihokan ilabi na usab nga wala man nagpabaya ang mga otoridad nga naghatag og seguridad sa dakbayan.
“Ang security is something again nia gyud na sa ato individually, atong vigilance, atong commitment to take part in this collective undertaking to make our city safe and secure,” matud ni Moreno
“Akong hangyo sa katawha, ang katawhan together mas daghan man kumpara sa mga ahensiya nga akong nasangpit suporta lang ta kung naay mga suspicious looking elements, palihog text or report diretso para masuta,” matud niini.
Gihangyo usab niini ang katawhan nga sundon ang mga pahimangno nga ipatuman sa mga kapulisan sama sa dili pagsul-ob og mga sunglasses, kalo, pagdala og backpack, ug uban pa aron nga dili na mahasol.
Gidugang usab ni Kagawad Jay Pascual, tsirman sa komitiba sa Tourism, nga padayon ang kalihokan ug angayang dili mahadlok.
“Yes of course dili gyud ta magpahadlok anang mga terrorist padayon lang gihapon atong mga programs ug mga activity sa siyudad, although we are very careful na sa atoang mga security measures sa Cagayan. We should not be afraid,” matud ni Pascual.
Ang pinaka-highlight sa maong kalihukan mao ang fireworks display diin giapas usab ang lights nga mabutang sa Carmen bridge aron mamahimong background sa fireworks display.
“Actually naa ta'y symphony of lights and then basin maapas na gyud to ang katong plano ni Mayor Moreno nga mabutangan na pud og lights apil ang bridge,” dugang ni Pascual.
“Ang atoang fireworks display, nice gyud na kaayo siya. It will be held sa Bell church and then ang background dayon nato ang bridge nga well-lighted sa katong lights. Sa December man unta to ang plano pero wala gyud naapas,” dugang niini.
Gitakdang ipahigayon ang nagkadaiyang kalihokan sa Chinese New Year adlawng Biyernes, Pebrero 1, diin ang opening program ipahigayon sa mini park sa City hall.
Sa Sabado, Pebrero 2, ang chinese cosplay competition sa Limketkai Rotunda; Pebrero 3 ang Spring Festival Dragon Boat ug New year's day ceremonies/fireworks sa Bell church sa Macasandig; ug motorcade sa Pebrero 5 sa may Rotunda. (KCS)