SUPERBALITA CEBU

Nalzaro: Suicide bombings gyud kaha?

Saksi

MAS daghan pang mga pangutana kay sa tubag ang kabahin sa nahitabong pagpamomba sa Jolo, Sulu sa Our Lady of the Mount Carmel Cathedral niadtong miaging Dominggo diin mokabat sa kapin 20 ka mga tawo ang namatay ug ubay-ubay ang nangaangol. Mismo si Presidente Rodrigo Duterte nibutyag nga ang maong duha ka pagpamomba sa sulod ug gawas sa Cathedral usa ka suicide bombings.

Magtiayon kuno ang mga suicide bombers nga wala niya gi-ila. Unang mipabuto ang babaye sulod sa simbahan ug dayon ang lalake doul sa entrance. Wala makapkapi ang babaye kay babaye lagi ug unya nagsul-ob pa kini og dakong krus. Ug kay suicide bombings man lagi, aw, patay ang duha ka mga suicide bombers.

Kanunay naman kitang makadungog aning suicide bombings. Kasagaran kining mahitabo didto sa mga lugar nga nagkagubot sama sa Syria, Israel ug ubang mga bahin sa Middel East. Binuhatan kini sa nga terorista aron paghagit sa ilang gobiyerno. Ang mga suicide bombers mao kining mga tawo nga magsul-ob o magbakus og bomba sa ilang lawas ug ilang pa-ulbohon ang bomba sa mga lugar nga daghang mga tawo sama sa mga shopping malls, terminal ug mga simbahan.

Ang mga suicide bombers sa dili pa mohimo sa ilang ultimate mission, insakto na sila sa indoctrination. O kanang pag-impluwensiya sa ilang huna-huna sa ilang tinuhuan ug mga lider. Kay nahibawo na god sila nga mamatay pod sila og apil. Sama niadtong mga nag-commandeer ug nag-hijack niadtong mga eroplano nga gigamit sa 9/11 terror attack sa Amerika.

Kinsa ba kitang mo-kuwestiyon sa pamahayag sa Presidente nga gikan usab sa mga intelligence units sa kapulisan ug militar? Apan posible gyud kaha nga binuhatan kadto sa mga suicide bombers? Gi-abandonar na sa kapulisan ug militar ang anggulo nga binuhatan kadto sa mga batan-ong miyembro sa Abu Sayyaf diin nakita sa CCTV ang suspects. Una kining higayon nga adunay suicide bombings nga nahitabo dinhi sa nasud. Hinaot nga wala magkomedya si Digong aning iyang pamahayag. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph