GINAINGON nga lisod pakataw-on ang Pinoy. Lisod kita nga modayeg sa mga talento ug kahanas sa uban kay sa atong tan-aw mas maayo pa kita kaysa kanila.
Nangalata ang mga maayong mokanta, mosayaw og mopasundayag dinhi busa dili na bag-o ang mga talentong gipakita sa uban. Gawas sa mga binayran, di kita dayon mopakpak sa panahon sa mga programa mao nga suknaon pa kita nga way kamot sa emcee.
Busa dili ikakurat ang reaksyon sa katawhan sa performance sa ika 14 nga kongreso sa Pilipinas.
Matud pa sa halos tanan nga akong madunggan nga kulelat ang ilang nahimo diha sa kongreso kay puro imbestigasyon og pagpaburot sa kaugalingong bulsa ra daw ang ilang gikabisihan.
Gani nipalag ang sektor sa mga negosyante kay wa kini nakapasa og sarang balaod nga mopabor kanila. Sa 88 ka business-related bills, morag wa pay 20 ang nahimong balaod. Di daw igo ang TV ads sa speaker nga "ito ang bahay ng Pilipino" kay dugay na nila kining nahibaloan og dili nila makaon ang mga litrato sa kongresista ug hunol-hunol nga lingkuranan sa kamara.
Bisan tuod may pipila silang maayong balaod nga napalusot sama pananglit sa Anti-Child Ponography Law, Cheaper Medicine Law, dili kini igo nga makahupay sa kalisod sa katawhan.
Wa pod daw nahimo ang kongreso sa pagpakgang sa naghitak nga kurapsyon mao nga nasulod kita sa listahan sa pinakakurakot nga nasud sa kalibutan, hinunu-a nagtabon na hinuon sila sa sala sa ilang alyado.
Duha ka impeachment complaints batok kang PGMA ug usa pa sa hepe sa Office of the Ombudsman ang ilang gibasura nga gikasubo sa kadaghanan.
Para sa katawhan walay basehanan ang sulti sa Malacanang nga "damang-dama na ang asenso" tungod sa programa sa gobyerno. Mas tukma pa ang "damang-dama na ang gutom" sa Pinoy.
Apan syempre kon pasultion ang mga pro-administration nga kongresista, di daw sila kulelat kay daghan man nga de-kalidad nga balaod ang ilang napasa.
Medyo nabalda lang sila sa mga isyu nga nakahurot sa ilang panahon sa pagtuon og pagpasa sa mga balaod, estoryahi!
CHR batok sa aerial spray
Nakakuha og suporta ang mga anti-aerial spray group sa opisina sa Commission on Human Rights. Si chairperson Leila Delima mismo nagkanayon nga may basehanan nga mopalag ang ordinaryong katawhan sa mga butang nga nakita nilang makadaut sa ilang panglawas.
Katungod sa tawo nga manimuyo nga malinawon og luwas sa kadautan busa sugyot ni Delima nga hunungon usa ang pag-spray og kemikal sa sagingan hangtod nga mahuman na ang pagtuon nga dili kini makadaut.
Katungod usab sa tawo nga mosulti sa iyang gibati og apil na niini ang pagsupak sa aerial spray nga kung sila ang pasultihon, nakadaut sa ilang panglawas og sa kinaiyahan.
Dili bugti ang trabaho og kita sa dautang epekto sa kemikal sa panglawas og sa kinaiyahan sa umaabot nga katuigan.
Siyempre gikasuko na usab kini sa mga negosyante sa sagingan og sa ilang NGO nga Save our Sagingan Movement kay di kini pabor kanila.
Myopic o mabaw ra daw kini nga panglantaw sa isyu sa CHR.GINAINGON nga lisod pakataw-on ang Pinoy. Lisod kita nga modayeg sa mga talento ug kahanas sa uban kay sa atong tan-aw mas maayo pa kita kaysa kanila.
Nangalata ang mga maayong mokanta, mosayaw og mopasundayag dinhi busa dili na bag-o ang mga talentong gipakita sa uban. Gawas sa mga binayran, di kita dayon mopakpak sa panahon sa mga programa mao nga suknaon pa kita nga way kamot sa emcee.
Busa dili ikakurat ang reaksyon sa katawhan sa performance sa ika 14 nga kongreso sa Pilipinas.
Matud pa sa halos tanan nga akong madunggan nga kulelat ang ilang nahimo diha sa kongreso kay puro imbestigasyon og pagpaburot sa kaugalingong bulsa ra daw ang ilang gikabisihan.
Gani nipalag ang sektor sa mga negosyante kay wa kini nakapasa og sarang balaod nga mopabor kanila. Sa 88 ka business-related bills, morag wa pay 20 ang nahimong balaod. Di daw igo ang TV ads sa speaker nga "ito ang bahay ng Pilipino" kay dugay na nila kining nahibaloan og dili nila makaon ang mga litrato sa kongresista ug hunol-hunol nga lingkuranan sa kamara.
Bisan tuod may pipila silang maayong balaod nga napalusot sama pananglit sa Anti-Child Ponography Law, Cheaper Medicine Law, dili kini igo nga makahupay sa kalisod sa katawhan.
Wa pod daw nahimo ang kongreso sa pagpakgang sa naghitak nga kurapsyon mao nga nasulod kita sa listahan sa pinakakurakot nga nasud sa kalibutan, hinunu-a nagtabon na hinuon sila sa sala sa ilang alyado.
Duha ka impeachment complaints batok kang PGMA ug usa pa sa hepe sa Office of the Ombudsman ang ilang gibasura nga gikasubo sa kadaghanan.
Para sa katawhan walay basehanan ang sulti sa Malacanang nga "damang-dama na ang asenso" tungod sa programa sa gobyerno. Mas tukma pa ang "damang-dama na ang gutom" sa Pinoy.
Apan syempre kon pasultion ang mga pro-administration nga kongresista, di daw sila kulelat kay daghan man nga de-kalidad nga balaod ang ilang napasa.
Medyo nabalda lang sila sa mga isyu nga nakahurot sa ilang panahon sa pagtuon og pagpasa sa mga balaod, estoryahi!
CHR batok sa aerial spray
Nakakuha og suporta ang mga anti-aerial spray group sa opisina sa Commission on Human Rights. Si chairperson Leila Delima mismo nagkanayon nga may basehanan nga mopalag ang ordinaryong katawhan sa mga butang nga nakita nilang makadaut sa ilang panglawas.
Katungod sa tawo nga manimuyo nga malinawon og luwas sa kadautan busa sugyot ni Delima nga hunungon usa ang pag-spray og kemikal sa sagingan hangtod nga mahuman na ang pagtuon nga dili kini makadaut.
Katungod usab sa tawo nga mosulti sa iyang gibati og apil na niini ang pagsupak sa aerial spray nga kung sila ang pasultihon, nakadaut sa ilang panglawas og sa kinaiyahan.
Dili bugti ang trabaho og kita sa dautang epekto sa kemikal sa panglawas og sa kinaiyahan sa umaabot nga katuigan.
Siyempre gikasuko na usab kini sa mga negosyante sa sagingan og sa ilang NGO nga Save our Sagingan Movement kay di kini pabor kanila.
Myopic o mabaw ra daw kini nga panglantaw sa isyu sa CHR.