DI na lamang tagdon ni Mark Anthony Fernandez ang mga pahayag sa iyang ex-girlfriend nga si Claudine Barretto batok kaniya.
Kahinumduman nga nasuko kang Mark si Claudine tungod sa makapilang higayon nga wa pagsipot sa aktor sa meeting sa ila untang ubanan nga pelikula.
Tungod sab sa maong aberya, giilisan na si Mark ni Richard Gutierrez alang sa pelikula kauban si Claudine.
Anyway, sa usa ka VTR interview kang Claudine, nakabuhi kini og pahayag nga "sinungaling" as in bakakon si Mark bahin sa rason kung nganong wala mahinayon ang meeting sa ilang pelikula.
Apan alang kang Mark, di na lang niya sumpayan ang isyu isip usa ka gentleman.
Si Mark, may bag-ong serye sa GMA nga mao ang Diva.