GITUTOKAN karon sa Misamis Oriental Provincial Jail (MOPJ) kining priso nga adunay deperensya sa pangisip.
Gibutyag ni Dominador Tagarda ang Jail Warden sa MOPJ atol sa press briefing nga adunay usa ka priso karon nga gikatakdang dalhon sa mental hospital sa Davao City.
Samtang adunay laing usa nga namatikdan nga gatipas kon estoryahon hinungdan nga ila kining gipatutokan.
Laing usa ka priso nga bise mayor sa selda maoy molantaw niini ug magmatikod.
“Kana karon naay susama nga kaso I man to man nato na siya ug naay moatiman niya,” matud ni Tagarda ug mikumpirma nga naulian na kini.
Ang mga kaso nga susama niini mopaubos pa sa phychiatrict exam kon diin ang kagamhanan sa probinsya mohatag og report sa korte labina niadtong grabe ang sitwasyon aron ang korte momando nga angayan kining dalhon sa mental hospital.