SUPERBALITA CEBU

29 bus operators gipaubos sa drug test

(Hulagway kuha ni Sheila Gravinez)

MOABOT sa 29 ka bus ug mini bus operators ang gipaubos sa kinalit nga drug test sa tagdumala sa Cebu South Bus Terminal (CSBT) karong Lunes, Pebrero 4, sulod sa terminal.

Matod ni Jonathan Tumulak, manager sa CSBT, bisan kon dili pinugsanay ang pagpa-drug test, apan mas maayo nga ipakita sa mga operator ngadto sa ilang mga sakop nga seryuso sila sa kampanya batok sa gidili nga drugas.

Ang kinalit nga drug test gihimo human sa tigom nga gipatawag ni Tumulak sa mga bus ug mini bus operator nga gitambungan usab ni Land Transportation Franchising and Regulatory Board (LTFRB)-Central Visayas assistant regional director Reynaldo Elnar.

Karong Martes, Pebrero 5, mahibaw-an ang resulta sa drug test.

Sigon ni Tumulak kon dunay magpositibo nga operator iyang iduso ang pangan niini ngadto sa LTFRB- Central Visayas ug Land Transportation Office- Central Visayas alang sa aksyon nga himuon.

Si Rebecca Cañoneo, retirado nga pulis ug operator sa Cañoneo Bus Liner, nasurprisa sa pagpaubos nila sa drug test.

Apan siya nagpasalamat sa gibuhat ni Tumulak kay alang kini sa ilang kaayohan.

“Kontra kaayo na namo ang mga drug addict gud, di mi ganahan naa mi ana,” dugang ni Cañoneo.

Matod ni Julie Flores, chairman sa Cebu Provincial Bus and Mini BusOperators Cooperative, maayo ang gihimo ni Tumulak aron magsilbi sila nga ehemplo ngadto sa ilang mga sakop nga sila dili tiggamitan og gidili nga drugas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph