BUOT sa City Administrator sa lokal nga kagamhanan sa dakabayan sa Cagayan de Oro, nga dili lamang ang drayber ang pahamtangan og multa apan lakip ang operator sa tanan nga masupak nga balaod sa kadalanan.
Matud ni Teodoro Sabuga-a, City Administrator, nga nakita niini nga nag-unang hinungdan sa problema sa trapiko mao ang kakulangon sa disiplina sa mga drayber ug lakip na sa mga pasahero.
Gidugang pa niini nga kini tungod na usab ang operator man ang responsable diha sa pagpili na sa iyang mga drayber.
“Gi-propose nako kining sharing sa multa in all kinds of violations na ni nga dapat ang operator katunga sila sa iyang driver, so mao na ang tanan nga fine dapat nga related nga sayop sa driver nga gi-commit kinahanglan nga apil ang operator, magtunga sila,” matud ni Sabuga-a.
“The reason ngano nagpropose ko ana nga idea kay ang resposible man gud sa recruitment sa drayber ang operator man gud,” matud ni Sabuga-a.
Gimugna sa lokal nga kagamhanan sa dakbayan ang Traffic Management Board (TMB) aron mao'y motutok nga mamahimong hapsay ang dagan sa trapiko.
“After the result sa research kay ang importante man gud niani kinahanglan naa na gyud ta'y study unsaon nato para ang tuyo nato diha siya mao'y mahimong blueprint kung unsaon nato pag-adopt ang maayo nga solution sa traffic,” matud ni Sabuga-a.
“Importante ang TMB para sila ang mag-evaluate kung unsa ang pinaka maayo nga buhaton nato,” dugang niini. (KCS)