SUPERBALITA CAGAYAN DE ORO

21 ka tuig sa Cebu Pacific Flight 387 memorabli sa MisOr

SOLEMNE ang kasaulogan paghandom ika 21 nga kasumaran sa pagkahagsa sa Cebu Pacific flight 387 niadtong adlawng Sabado, Pebrero 2, tunga-tunga sa Gingoog City ug Claveria, Misamis Oriental.

Nangulo ang Misamis Oriental Provincial Government, pangunahan sa mga ulo sa departamaneto, ug mga Sangguniang Panlalawigan member sa probinsya sa Misamis Oriental paghandom sa anibersaryo pinaagi sa paghalad og santos nga misa, bulak, ug pagpananom ug seedling.

Si Misamis Oriental Governor Yevgeny Vincente Emano miduyog sab sa paghandom sa kasakit nga gibati sa nabiyaang pamilya sa gatusan ka mga namatay sa trahedya.

Dili mominos 500 sab ka mga mountaineer ang miduyog sa kasaulogan sa paghandom sa nahitabong trahedya niadtong Pebrero 2, 1998.

“Tugoti ko sa akong pagpasalamat sa tanang miduyog sa ika 21 ka tuig alayon sa pagkahagsa sa Flight 387 sa area sa Claveria ug Gingoog City,” matud ni Emano ug miingon nga ang pag organisa ug programa pagduyog sa pamilya sa mga nangamatay nga mapasayon ilang pag anha sa area.

“Kami bout lang magpasabot nga dili lang sa paghinumdom sa kasakit sa gibati sa mga naangol labina sa mga pamilya nga nabiyaan apan pagpakita nga wala gyod mi nalimot sa usa ka panahon nga duna kitay mga igsuon nga gibati ug kapait ug kasakit sa pagkawala sa ilang minahal sa kinabuhi nga basin og makahupay ang pagpahinumdum ug mapasayon sa ilang pagbisita sa ilang paryente nga makadoul sa area,” dugang ni Emano.

Gipasalig niini nga mas palamboun ang palibot sa shrine aron sayon sa mga pamilya ang pag-anha ug pagbisita sa lugar.

Si Atty. Jeffrey Saclot, Provincial Tourism head, maoy gitahasan ni Emano nga mangulo sa kalihokan nipasabot nga memorabli kini kaayo nga kalihokan labina sa lalawigan nahitabo ang dili malimtan nga trahedya.

“Very memorable because this is the time the families of the victims of the ill-fated Cebu Pacific flight 387 gather together to remember their lost loved-ones,” matud niini ug midugang nga gikuha kini ni Emano nga tsansa aron magkatapok ang mga nabiyaang pamilya.

Gibutyag sab niini nga ang shrine dagsaon kanunay sa mga turista ug mohapit sa lugar hinungdan aduna na sila’y giandam nga mga katukoran alang niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph