DUNAY nangutana nako kon unsa kunoy kailainan sa “music legend” ug “music icon.”
Kay nakabasa kuno siya sa atong headline sa miaging semana nga atong gitawag silang James Ingram ug Michel Legrand nga “music legend.”
Natural kay namatay na man. Ang legend mas tukma siya gamiton kon ang tawo patay na nga nakahimo og dakong kontribusyon sa iyang propesyon sa hataas nga panahon.
Silang Justin Bieber, Miley Cyrus, Taylor Swift ug kinsa pa nang uban gitawag sila og mga pop icon pero dili sila legend.
Duna sa’y gitawag nga living legend sa music sama nilang Paul McCartney (The Beatles), Barry Gibb (BeeGees), David Gates (Bread) ug uban pa tungod sa grabeng influence sa ilang mga tukar.
Kanang mga pop icon nga nailhan sa bag-ong henerasyon molungtad kaha na’ng ilang mga kanta sama sa gidugayon sa mga kanta sa Beatles, BeeGees ug Bread?
Kon molungtad anha pa lang tingali sila angayan tawgon og legend o living legend sa musika.
HEY DARREN!
Wa ko katunga sa imbitasyon sa presscon nilang Darren Espanto, Jona, ug Lani Misalucha sa Asmara Urban Resort sa Banilad pag-Biyerners kay for the first time after 20 years nag-sick leave ko. Huh!
Mao nga gi-text nako ang maabtik namong maniniyot nga si Alan Tangcawan nga maoy moadto. Pero puros ra kuno bahin sa concert ang mga question sa mga press ug bloggers.
Sayang! Chance na unta to pangutan-on nato si Darren sa isyu nila ni JK Labajo. Maayo unta mag-uli na ang maayo nilang kabubut-on. Kababata ug sila rang dungana sa The Voice Kids. Di na ni angay padak-on pa! ABS-CBN handlers wake-up!
Si JK nidako man gud nga way ginikanan ug bisan niadtong housemate pa siya sa Pinoy Big Brother makita nimo nga grabe iyang hang-ups. Mao ning nisikat ang iyang kantang “Buwan” kay dinhi napagawas niya ang iyang personal emotion ug maturity as an artist.
Kon nakabantay mo ato nang gibalik ang mga guitar chords sa Laysho kay maorag nagkadaghan karon ang bag-ong hits sa OPM. Unta magpadayon na ni. Kon duna mo’y request i-send lang sa acmartinjan@yahoo.com. Kung Hei Batchoy!:)