MOBISITA si Olympian Mary Joy Tabal sa Nippon Science Sports University (NSSU) sa Japan sulod sa duha ka mga higayon ning tuiga isip tipik sa iyang pagpangandam alang sa duha ka importanteng mga lumba sa umaabot – ang Southeast Asian (Sea) Games ug Tokyo 2020 Olympic qualifying race.
“It’s going to be two phase training for me this year,” matod kanhi sprinter sa Southwestern University.
Ang 29 anyos ngfa sakop sa Motor Ace Kawasaki Racing Team nagplanong mosugod sa iyang training sa Japan karong Marso hangtod Mayo.
Mao sab kini ang training ground ni Tabal dihang nangandam siya sa 2016 Rio Olympics.
Pasabot ni Tabal sa premirong tipik sa iyang training sa Japan, plano niyang mosalmot og Olympic qualifying race ug usa sa iyang napunteryahan mao ang Ottawa Marathon sa Canada karong Mayo 26. Ang ikaduhang tipik sa training ni Tabal sa Japan gikatakda karong Agusto hangtod Nobiyembre ug alang kini sa iyang kampanya sa SEA Games.
Ang SEA Games ipahigayon karong Nobiyembre 30 hangtod Disyembre 11 dinhi sa Pilipinas. (RSC, ESL)