DEAR Tita Heart,
Good Morning to you tita ug sa mga suki SuperBalita.
Tagoa ko sa ngan nga Troy. Usa ko ka gay tita pero akong family wala kasayod kay lalaki ko mo-asta sa amoang balay. Tita nakauyab ko og guy nga inlove gyod kaayo sa akoa. Nikalit man kaha na siya og adto sa among balay ug nagpaila nga uyab daw mi nitayming pod nga wala pako niabot ato. Akong mama tita nakuyapan ug murag giatake sa heart. Nasakitan kaayo ko tita kay akong mama luya kaayo ug dili ko makatoo mao lang to hinungdan. Dili niya madawat nga gay ko. Unsa akong angayan buhaton tita nga iyang sulti bulagan gyod nako ang lalaki ug ako pod boyfriend niingon kon bulagan maghikog daw siya.
Troy
***
Hello Troy,
Moreact gyod imong mama kay hilom man kaayo ka sa imohang tinoud nga pagkatao. So karon na turn between ka sa imong boyfriend ug imong mother. Akong matambag nimo is unaha sa nga mahimong stable ang health sa imong mama. Ayaw siya biyae sa iyang kiliran ug i-assure nga naa ka kanunay kaniya ug imong tumanon ang iyang mando sa imoha. Bisan unsaon imo siya ang imong inahan. Ang imong boyfriend naa rana nimo kanunay labina love ka kaayo, pangayo ug dugang pagsabot. Puhon kon moarang na ang kahimtang ug balik na sa normal ang tanan, ipasabot ug maayo sa imong mama nga sabton ka isip usa ka gay. Kung unsay imong gihigugma sabton ka nga ila sab madawat.
Tita Heart