2019: Year of the Pig

DAVAO. Okupado ang Davao Lion Dancers Association sa ilang presentasyon sa pagsugat sa Year of the Earth Pig, subay sa Chinese New Year sud sa ganghaan sa Marco Polo Hotel Davao, Martes, Pebrero 5. Giingong magdala kini og suwerte sa mga tawo nga nalipay sa ilang gipakita nga pasundayag. (Marco Polo Hotel Davao photo)
DAVAO. Okupado ang Davao Lion Dancers Association sa ilang presentasyon sa pagsugat sa Year of the Earth Pig, subay sa Chinese New Year sud sa ganghaan sa Marco Polo Hotel Davao, Martes, Pebrero 5. Giingong magdala kini og suwerte sa mga tawo nga nalipay sa ilang gipakita nga pasundayag. (Marco Polo Hotel Davao photo)

KUNG Hei Fat Choi! Hibal-a kung asa ka buwenas sa Year of the Pig subay ni Feng Shui expert Richard Yu.

Ania ang pipila niya ka suwerte nga pagbutyag mag-depende sa tuig kanus-a ka gianak uban sa mga hayop nga giya niini.

Suma niya, nga mga giya lamang kini, puwede nga matinuod, puwede sab nga dili, diin kining tanan mag-depende sa pagpaningkamot.

1. Pig (boar)

Sa maayong panglawas, ang lisod nga mga adlaw, human sa ghost month, nga mao ang Agusto 1-29, diin ang sayo nga katunga sa tuig, maayo kini. Samtang kung hisgutan ang kuwarta ug karera sa kinabuhi, kung ang mga tawo diha sa palibot ang nagsuporta kanimo, kini maoy madala og swerte. Ug sa natad sa gugma kinahanglan balanse kini sa imong pag-atiman sa pamilya ug kahigalaan ngadto sa kuwarta ug karera aron matagamtaman ang gugma.

2. Rat

Ang sakit-sakit ning tuiga imong malikayan kung likayan sab nimo ang unhealthy lifestyle. Sa natad sa gugma, andam ka sa pagbalanse sa gugma nga moabot kanimo. Apan kung di ka kabalo modala niini, biyaan ka ning tuiga.

3. Ox

Di ka daling masakit ning tuiga, apan kung masakit ka nagpasabot kini nga limitahan na nimo ang kaugalingon sa mga butang nga makadaut sa panglawas. Mapalambo nimo ang tsansa nga magbungahon ang imong mosunod nga duha ka tuig sa natad sa kuwarta. Sa gugma, kinahanglan “stick to one” ka. Sa mga single, may purohan nga maminyo ka ning tuiga.

4. Tiger

Hatagi og pukos ang imong panglawas. Ang imong pagmalig-on masulayan karong tuiga. Kung kaantigo ka modala sa imong kalagot, makatabang kini sa paghimo sa maayong mga butang. Ma-promote ka sa trabaho, ug mopalambo ka sa imong kinabuhi ning tuiga.

5. Rabbit

Andama ang kaugalingon sa bisan unsa man nga balatian ning tuiga. Tuig kini nga maningkamot nga di magkasakit. Makatabang ka sa paglambo sa uban bisan og wala kaayo nakita ang imong pagpaningkamot. Hatagi og panahon ang pamilya ug hinigugma kay kung di ni mahimo, mag-antus ka. Kini ang imong kaluyahan.

6. Dragon

Daghan ka og oportunidad ning tuiga, ug kinahanglan kang mopahuway. Pilia ang maayong oportunidad ug pukos ngari. Ayaw og sige'g dawat kini ang makahugno nimo, kinahanglan ubanan kini sa kakugi. Ang professional aspect sa gugma lisod, apan makuha nimo kini gumikan sa tabang sa pamilya ug hinigugma.

7. Snake

Usa kini ka maayong oportunidad sa imong kinabuhi ning tuiga. Pukos sa emotional nga aspeto sa paghulat. Sa gugma, daw maggilak-gilak ka karon nga tuig, gumikan anaa ang professional ug romantic love aspect. Makasugat kag daghang bag-o nga higala. Pasayloa ang imong mga kaaway.

8. Horse

Ibutang ug ituklod pa ang kaugalingon sa unang unom ka bulan sa pagpaningkamot. Apan mag-amping kay kung dili mag-amping sa panglawas, naay purohan nga magkasakit ka ning tuiga. Kuntento ka sa moabot nga gugma sa kinabuhi karon.

9. Goat (Sheep)

Panahon kini nimo alang sa self-reflection, kay sa physical health. Pokus sa spiritual, mental, ug sa emotional health. Kinahanglan nga balanse kini aron di ma-problema sa tibuok tuig. Sa natad sa gugma dunay mga hagit sa unahan ug kinahanglan ang pagkamamugnaon sa pagpabati sa imong gugma.

10. Monkey

Usa kini ka sayon nga tuig sa imong kinabuhi karong tuiga, gumikan dunay mga tawo nga mitabang kanimo. Hunahunaon ug ibutang sa kaugalingon nga kaantigo ka modawat sa mga butang sa palibot kay gitahod ka sa komunidad. Sa gugma usa kini ka maayong panahon kanimo.

11. Rooster

Ang imong pukos ning tuiga mao ang imong mental ug emotional health. Ang hagit karon anaa sa mga tawo nga imong nasaligan. Kung nisalig ka sa usa ka tawo sa natad sa panalapi, naay purohan nga kini mahugno. Kung mipili kag mga higala or partner kini magmabulukon human sa ghost month.

12. Dog

Kung masakiton ka, masayang nimo ang mga oportunidad ning tuiga. Kinahanglan karon pa lang daan magpa-check up na sa doktor aron masayran asa ka naluya. Ang imong pagpakita sa gugma wala kini nagbase sa materyal nga mga butang sa palibot. Paghimo og lahi alang sa uban, tungod niini malahi ang daghan sa imong gugma nga maoy makapalipay kanimo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph