NABUNTURAN, Compostela Valley -- Misaka na sa pito ka mga tawo ang namatay sa pagbangga sa duha bus sa Kilometro 92, Barangay Magsaysay, Lunes sa hapon, Pebrero 4.
Subay sa gipagula nga impormasyon Traffic Section sa Nabunturan Municipal Police Station, dead on the spot si Jerome Uyanguren, 40-anyos, nagpuyo sa Veruela, Agusan del Sur; Francisco Cabellida 65-anyos, nagpuyo sa Times Beach, Davao City.
Gideklara sab nga dead on arrival sa Compostela Valley Provincial Hospital-Montevista si Elsa Salarda Acedilla 58-anyos, nagpuyo sa Purok 2, Montevista; ug Hamber Khen Despi, 36-anyos, nagpuyo sa Purok Guadalupe, San Isidro kinsa drayber sa Metro Shuttle Bus.
Gideklara sab nga dead on arrival si Janet Vicente 35-anyos, usa ka mabdos, nagpuyo sa Dujali, Davao del Norte. Namatay sab sa Davao Regional Medical Center sa Tagum City si Mary Grace Balbuena, 16-anyos, mabdos, nagpuyo sa Purok 2, Barangay Poblacion, Nabunturan ug Teddy Nher Garcia, 23-anyos, nagpuyo sa Trento, Agusan del Sur.
Gidason sa taho sa kapulisan nga 12 ka mga pasahero ang nagpaalim sa Compostela Valley District Hospital nga mao si Jovelyn Ramada, 40-anyos; Kent Jay Cuyos, 10; Kristine Jewel Cuyos, 8; Evelyn Blanco, 40; Artisi Montalban, 39; Dante Barinia, 46; Marwin John Panlilio, 25; Mary Twinkle Sombreo, 24; Ruwel Sunga, 40; Jesabel Hermino, 24; Jesly Kevin Lavalle, 28; ug Kelvin Jane Jurado kinsa miguwa na sa ospital Martes.
Nadala sab sa Nabunturan Doctors Hospital si Meer Epifanio Rivera, 48. Nagpaalim sa Bishop Reagan Hospital sa Tagum City si Merly Caintic, 39; Cherry Caintic, 18; Chloe Dalagan Caintic, unom ka buwan ang edad.
Anaa sab sa Davao Regional Medical Center si Kevin Lord Vicente 7, Alexander Campos 39, Lorelyn Palco 29, Gabriela Garganera 10, Jay Sulayaw 22, Roldan Diaz 8, Marnelli Calupas, 28, Marion Muñoz 36, Maria Torrenueva 45, Analiza Diaz 44, Vladimir Gargarena 9, Jollybee Espulgar 25, Robin Morales 51 ug Cruz Daig 39, drayber sa Bachelor Tours.
Ang duha ka kompanya sa bus mipasalig sa mga galastuhan sa mga biktima samtang padayon ang gihimong imbestigasyon sa kapulisan labot sa maong disgrasya. (Rockyben S. Catisay)