Hukom sa SC way epekto: Gwen

WAY gibug-aton sa merito sa mga kasong graft ug technical malversation batok ni Kongresista Gwendolyn Garcia ang pagsanong sa Korte Suprema sa desisyon sa Sandiganbayan nga nagdili niini nga makabiyahe sa gawas sa nasod.

KIni ang gipamahayag sa kongresista sa ikatulong distrito sa Sugbo dihang gikuhaan og komento sa Superbalita Cebu pagka Martes, Pebrero 5, kon aduna bay gibug-aton ang uwahing desisyon sa labing taas nga hukmanan labot sa mga hold-departure order (HDO) nga giluwatan sa anti-graft court batok niya niadtong 2012.

Kabahin kini sa gipasakang mga kaso sa Ombudsman batok niya sa dihang kini pa ang gobernador sa Sugbo labot sa giingong anomaluso nga pagpalit sa 24.9 ka ektarya nga Balili property niadtong 2008.

Alang kang Garcia way epekto ang uwahi nga desisyon sa labing taas nga hukmanan sa iyang kandidatura sa pagka gobernador sa lalawigan sa Sugbo.

“The HDO was already issued by the Sandiganbayan way back in 2012. We then questioned its constitutionality before the Supreme Court, given the fact that it is every Filipino’s constitutional right to travel. Apparently, the SC has upheld the Sandiganbayan’s right to issue an HDO against anyone with a case pending before it,” pahayag ni Garcia sa text message nga gipadala sa Superbalita Cebu.

Pinaagi sa mga HDO, ang kongresista dili mahimo makabiyahe gawas sa nasod samtang husayon sa Sandiganbayan ang mga kaso niini. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph