ARSOBISPO sa Sugbo, niawhag sa mga matuohon sa simbahan nga Katoliko, nga labing maayo nga ilhon ug mag-debosyon usab kang Senyor Santiago.
Kini atol sa pagtapos sa usa sa mga dako nga kalihukan sa simbahang Katoliko sa Pilipinas, ang 2nd National Congress of Snr. Santiago de Apostol Parishes and Devotees, nga gipahigayon sa Sugbo na Myerkules sa udto, Pebrero 6.
Gitapos pinaagi sa pagpahimutang sa relic ni Senyor Santiago nga gikan sa Espanya, diha sud sa Archdiocesan Shrine of Santiago de Compostela Cebu.
Gawas sa pagpahimutang sa relic ni Senyor Santiago, highlight sa kalihukan ang pagbasa sa suwat pagpahibaw sa 'Spiritual bond of affinity' pasabot nga kon unsa ang indulhensya nga makuha sa usa ka deboto nga niduaw sa lugar diin napalgan ang patay nga lawas ni senyor Santigao de Apostol sa nasud sa Espanya, susama usab ang makuha sa mga deboto nga motuyo sa simbahan sa Santiago de Compostela, Cebu.
Gihimo ang duha ka importante nga kalihukan, su'd sa santos nga misa nga gipanguluhan ni Cebu Archbishop Jose Palma, uban ang kapin 20 ka mga pari, usa na niini ang chancellor sa simbahan sa nasud sa Spain, Msgr. Elisardo Villaverde, alas 10 sa buntag.
Matud ni bishop Palma nga haom kaayo nga dinhi sa Sugbo gihimo ang ikaduhang National Congress, atol usab sa gihimo nga pagpangandam sa Simbahang' Katoliko, ilabi na sa Sugbo alang sa umaabot nga kasaulugan sa ika-500 ka tuig nga pagkahimugso sa kristyanismo sa nasud karong 2021.
Isip si Santiago ang nagdala usab sa Kristyanismo sa Espanya.
Niadtong Lunes sa hapon (Pebrero 4) gitapos usab ang 10-day ug 2-day Camino walk de Santiago.
“Una sayod kita nga ang Katsila man ang nagpaambit sa pagtoo (Kristyanismo) dinhi nato, ug tungod si Santiago man ang nag-evangelize sa Spain, the Spain brought Christianity to Philippines. In that sense, klaro kaayo ang atong link kay Senyor Santiago Apostol ug nalipay kita nga kining pagpadala ni Archbishop Julian Bario Bario sa iyang chancellor aron ma-establish ang link sa Santiago de Compostela, Cebu, ang atong faith dili lang ato ra but we are recognized in Spain,” pagpasabot ni Bishop Palma sa Superbalita Cebu.
Sa iyang wali gihimug-atan niya ang tulo ka dimension sa pagtoo, ma-inform, kon masabtan ang gituohan; ikaduha ang perform kon puy-an ang gituohan, isabwag ug molihuk; alang na sa ikatulo nga mao ang transform, kon pagkahimo nga mas maayo sa mata sa Ginoo.
Gipanlantawn na sa kagamhanan sa lungsod sa Compostela ang posibilidad sa pagdagsa sa uban pang pilgrims gikan sa laing lugar ug nasud, nga iya usab gitug-an nga makatabang usab sa ilang turiamo.
Gitug-an ni bishop Palma nga lain pa unya nga National nga kalihukan ang National Youth Day, karong bulan sa Abril, ang National Convention of Canon Law ug National Gathering of Family and Life, kini tanan ang pagahimuon dinhi sa Sugbo.