NATAGBAW ang majority floor leader sa paningkamot sa kapulisan ilabi na sa Cagayan de Oro Police Office (Cocpo) sa hugot nga seguridad nga ilang gipatuman.
Matud ni Kagawad Ian Mark Nacaya, majority floor leader sa Konseho nga “satisfied” kini sa performance o sa gipakita sa kapulisan diha sa paghugot sa seguridad sa siyudad aron nga dili malutsan sa mga dautang elemento.
Gidugang usab niini nga hugot gyud ang mga gipatuman sa kapulisan nga mga security measures sa siyudad sama na lamang diha sa mga simbahan diin aduna na'y gipamutang nga mga baggage counter ug gisusi gyud ang mga mosulod ilabi na ang mga dalang bagahe.
Wala'y gitugotan na usab nga magdala og backpack sulod sa simbahan ug gipatuman usab ang “no backpack policy” sa mga pampublikong dapit sa siyudad diin kun aduna sila'y masiplatan nga nagdala niini ila gyud nga susihon.