Kaparian sa simbahang Katoliko sa Sugbo giawhag nga himuong sumbanan ang nitaliwan nga si Cebu Archbishop Emeritus Ricardo Cardinal Vidal, sa iyang mapahiubsanon ug selfless nga pagpangalagad.
Kini ang mensahe ni Cebu Archbishop Jose Palma atol sa ika-88 nga sumad sa adlaw nga natawhan ni Vidal, Pebrero 6.
Ika-duha ka tuig na usab karon nga gisaulog ang birthday ni Vidal human namatay niadtong Oktubre, 2017.
Lakip na usab ang mga layko nga adunay paghigugma ngadto kang Vidal giawhag ni Palma nga himuon siya nga ehemplo sa ilang pagpanerbisyo, bisan pa man kon adunay gipamati sa lawas ug sa katiguwangon, padayon gihapon sa pagpangalagad sa mga nagkinahanglan. (FMD)