SECTIONS
Sunday, February 17, 2019
SUPERBALITA CEBU

12 ka balay naugdaw sa sunog, 1 naangol

(Hulagway gikan sa LGU Llorente)

LLORENTE, Eastern Samar-- Kapin sa napulo ka panimalay ang naugdaw sa nahitabong sunog sa Barangay 71, ning lungsod, alas 11:03 Miyerkules sa gabie, Pebrero 6.

Usa ka residente ang naitalang naangol sa pag ulbo sa kayo.

Sa kadako sa kayo, niresponde na ang ubang mga bombero gikan sa laing lungsod sama sa Balangcayan, Gen MacArthur, Quinapondan, ug Borongan.

Gi deploy usab ang kapulisan aron pag kontrolar sa mga tawo nga di mo sulod sa area.

Base sa inisyal nga imbestigasyon sa Bureau of Fire Protection, nag overheat nga electric fan ang hinungdan sa pagsilaob sa kayo nga gipanag-iya ni Ben Duran.

Dali nga mikatap sa kabalayan ang kayo og mikaon sa 12 ka mga panimalay nga iya nila Roberto Boco, Ronnie Contado, Norberto Contado, Esperanza Borja, Ruel Author, Estrella Borja, Salvador Borja, Juan Copada, Pablo Baris, Rita Contado, ug Rochelle Villasin.

Sa maong sunog, naangol si Marry Ann Duran kinsa nakaangkon og paso sa wala nga bukton.

Dali nga gidala sa Rural Health Unit ang biktima alang sa pagpatambal.

Wala hinuon naitala nga nakalas ang mga awtoridad sa maong sunog.

Dugang sa kabomberohan, mokabat sa kapin P800,000 ang gibilin nga danyos sa dakong sunog.

Gideklara nga fire out ang sunog alas 1:08 Huwebes sa kaadlawon, Pebrero 7.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!