Vote counting machine ipasuway sa publiko

Vote counting machine
Vote counting machine

SA TINGUHA nga mapa-familiarize na ang mga bag-o nga botante sa paggamit sa vote counting machine (VCM), dad-on kini sa Commission on Election kon Comelec diha sa mga lugar nga dagsaan sa mga tawo aron mapasulay sila sa paggamit niini.

Duha ka VCM karon ang gipasa-pasa sa tibuok Sugbo, alang sa road show, una nga mopahigayon niini gikan sa Enero 30 hangtud sa Pebrero 28 ang sixto distrito ug ang lone district sa Lapu-lapu.

Sa dakbayan sa Mandaue, sugdan sa Comelec sa Sabado, Pebrero 9, diha sa Pacific mall sa may 3rd floor, himuon ang susama og mock voting gikan sa ala una hangtud sa alas tres sa hapon.

Laing VCM road show usab ang himuon diha sa Mandaue City Sports Complex, sa buntag sa Pebrero 11 ug 18.

Gitug-an ni Atty. Anna Fleur Gujilde ang Mandaue City Election Officer nga pasulayon ang mga botante sa pag-shade sa balota, ug bisan na ang pag-marka sa dili angay nga suwatan nga parte sa balota aron makita nga iluwa gyud sa VCM ang maong balota nga wala masunod ang guidelines sa pag-fill up niini.

Hinungdan nga hangyo nila sa mga botante, ilabi na mga new voters nga duol sa Pacific Mall sa pagduaw unya ug pag-avail sa maong programa aron dili na lisud alang kanila atol unya sa adlaw sa pag-botar karong Mayo.

"We are encouraging our shoppers or those who have nothing to do on Saturday to visit the mall and try our VCM, especially new voters aron makasuway sila unsaon paggamit sa maong machine, kay mao nani atong gamiton karong election. Mao na nuon ni atong gigamit pag 2016 elections," gipasabot ni Gujilde sa Superbalita Cebu.

Una na nga nakapahigayon karong semanaha ang lungsod sa Consolacion, nga mopahigayon sa ingon ang dakbayan sa Lapu-lapu ug Cordova.

Isunod usab ang ubang distrito ug tapuson ang tanan sa bulan sa Abril.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph