GAWAS sa gipanghakot nga daghang gold sa bag-o pa lang gitapos nga Central Visayas Regional Athletic Association (CVIRAA), duna ko’y nadiskubrehan nga nindot kaayong panghitabo sa mga atleta.

Gawas sa mga tawo nga mahiligon sa paugnat-sa-kusog nga nagsunod sa inadlaw nga event, duna diay mga coach ug trainer ang nagpahipi sa daplin. Abtik kaayo ang mga mata nga naniid sa labok sa athletes. Gikan ni sila sa mga dagkong unibersidad sa Sugbo. Ilang tuyo mao ang pagdiskubre og mga atleta nga sarang makarga sa ilang listahan sa mga athletes.

Click here for stories and updates on the Sinulog 2010 Festival.

Mga atleta nga dunay ikabuga sa nagkadaiyang matang sa paugnat-sa-kusog og makahatag og dungog sa eskwelahan nga ilang girepresentahan. Dinhi nako nailaila si John Mark Nadela usa sa mga sinaligan sa University of San Jose-Recoletos Athketic Department. Didto siya sa Danao aron mag-scout og mga de kalibre nga athletes.

SCHOLARSHIP

Matod ni John Mark nga ang mga athletes nga iyang naipilian automatic nga makaphimulos og full scholarship sa kolehiyo.

Sa ato pa gikan sa first year hangtod nga mahuman nil ang ilang kurso way bisan usa ka dako ang mogawas sa ilang bulsa.

Sayo pa man nga akong ipailaila ang athletes nga iyang napilian, apan nakaingon ko pagkasuwerte sa mga ginikanan ning maong athletes. Abilidad sa paugnat sa kusog ra gyud ang puhonan, sigurado na ang edukasyon sa kolehiyo. Mao ni giingon nga sekreto para kolehiyo.

Akong nahinabi ang mga atleta nga na-scout ni John Mark. Silang tanan nagkahiusa pag-ingon nga namunga gyud ang ilang kahagu.

Diha pa man gani miingon nga sa ilang eskwelahan sa high school duna pa’y labaw niya ka kusog modagan. Galing lang puwerting tapulana mo-praktis mao nga nalaos lang sab dayon. Manghinaot ta nga leksyon ni sa uban diha nga gitugahan ug abilidad sa paugnat-sa-kusog, apan pakluoy, way ayo og way nada.

EL NIñO

Nakamatikod namo sa kainit sa panahon karon. Mao ni nakapahinumdum nako sa huwaw nga nasinati sa Sugbo pipila na ka tuig ang nakalabay.

Sa maong huwaw akong nasaksihan ilabi na sa kabukiran ang pagpangliki sa yuta. Mingaw ang mga umahan kay wa nay nagtikawtikaw nga mag-uuma. Ang mga nagtikad sa yuta nagpasiyudad ug nangita og laing kapanginabuhian. Mao ni ang akong nalantawan sab nga suliran. Asa ta og itunol nga trabaho alang niadtong maapektahan sa huwaw. Kung naa ang kalisod sa panginabuhi natural mosaka sab ang gidaghanon sa krimen.