"PARA nako it is a step closer sa damgo sa mga Mandauehanon, to have a well-deserved and long overdue Lone Congressional district,” gitug-an sa kongresista sa sixto distrito, Jonas Cortes.
Kini ang pamahayag ni Cortes, human nga niadtong Lunes Pebrero 4, pinaagi sa pagpangamahan ni Sen. Sonny Angara, isip chairman sa Committee on Local Government, maoy niduso sa senate floor House Bill 8511 pag-separate sa Mandaue City, sa sixto distrito sa probinsya sa Sugbo.
Ang maong House Bill ang nipasar na sa ikatulo ug katapusan nga pagbasa sa Senado.
Kon hingpit na nga mahimo nga lone district ang Mandaue, makadawat kini og dugang congressional nga pundo gikan sa national alang na sa mga ipatuman nga proyekto ug pagpalambo sa syudad.
Dugang ni Cortes nga gikinahanglan na lang ang pirma ni House Speaker Gloria Macapagal Arroyo, Senate President, Tito Sotto ug Presidente Rodrigo Duterte.
Ug kampante si Cortes nga paburan kini sa tulo.
Dugang ni Cortes nga human niadtong Hunyo 21, 1969, nahimo nga Chartered City ang Mandaue, ug gideklarar sa Dept. of Interior and Local Government (DILG) nga urbanized City niadtong February 15, 1991, sa tuig 1991 pa lang, qualified na nga mahimo nga lone district ang Syudad.
Sa 2015 nga Census, aduna nay natala nga 365,144 nga populasyon ang Mandaue City, taas na kaayo kini sa requirement nga 250,000 ka molupyo.
Ang mahibilin sa sixto distrito, ang mga lungsod sa Cordova ug Consolacion, nga matud ni Cortes tawgon og residual district nga qualified gihapon nga mag-compose isip sixto distrito.
“Mao nay gitawag nato nga residual district, mahabilin ang duha Consolacion ug Cordova), dako ni nga kadaugan sa Mandaue, one step closer sa atong pangandoy hinaot unta, sukad pa kaniadto, house speaker pa si Sonny Osmena, gamay ra gyud nga napuno nga distrito sa Sugbo, the more the better, kon ma-redistrict nato ang uban, naa na sa ilang congressman. Cebu deserves more district para nako, makaayo ni nato sa probinsya sa sugbo,” dugang ni Cortes.