DEAR Tita Heart,
Maayong adlaw nimo Tita Heart. Ako diay si Jaz, nagpuyo diri sa Laguindingan Misamis Oriental. Tambagi ko tita kay akong uyab sa pagkakaron nikalit og kabugnaw ang tinagdan sa akoa. Nahatag na nako ang tanan niya tita ug iyang harap harapan nga gisulti sa akoa nga disappointed siya nga dili nako virgin. Nasakitan ko tita kay nagtoo ko nga dili ni mag-matter nga butang sa among relasyon. Unsa akong buhaton?
Jaz
*****
Hello Jaz,
Maayong adlaw sab kanimo. Akong matambag nga bulagi imong uyab kay iyang lawasnong kalipay lang iyang giapas. Aduna gyod lalaki nga ga matter og virgin nga babae ug subo lang nga imoha pa gyod uyab. Aduna pay lalaki nga modawat kanimo kun kinsa ka nga dili pareha sa imong uyab nga magbugnaw bugnaw dayon ug pagtagad kanimo. Ang realidad dili ka tinoud nga love sa imong uyab kay kon tinud-anay iyang pagbati dili niya isapayan kon virgin ka o dili higugmaon gani unta ka niya og maayo.
Tita Heart