NIADTONG Disyembre 29, 2000, nakadawat og tawag ang kapulisan sa mga alas 2 sa kaadlawon nga dunay nakit-ang lawas nga nagsiga sa spillway nga naa sab daplin sa highway.
Sa ilang pag-abot, ilang gibuboan og tubig ang nagkayo pa nga lawas hangtod nga napawong ang kayo. Ilang nasuta nga usa diay kini ka babaye nga dunay mga lima ka tiil ang gitas-on.
Gidala nila sa funeral parlor ang lawas, diin kini gipailawom sa autopsy una pa gilubong sa pampublikong sementeryo nianang mga Enero 15, 2001. Nakakuha ang doctor og singsing ingon man relo sa walang kamot sa babaye.
Nianang Pebrero 1, 2001, usa ka inahan nga nawad-an sa iyang anak, uban sa National Bureau of Investigation (NBI), nagpakisayon kon mahimo ba silang motan-aw sa hulagway sa sunog nga lawas. Tuod man, dihang nakakita si Melay, naseguro niya kining iya sa iyang anak nga si Sheila.
Ilang gikawot ang lawas ug didto nasuta ni Melay nga si Sheila gyud diay kini kay mao man ang relo ug singsing.
Si Mike, kapuyo ni Sheila sud sa siyam ka mga tuig, dihang giimbestigar, niingon nga maayo silag relasyon sa biktima. Ang iyang kapuyo dunay kalagot sa iyang inahan tungod sa giingong pagpangabit niini.
Apan, ang usa ka assistant sa dermatologist nga kaila ni Sheila, niingon nga nianang Disyembre 28, gitakda nang mobiya si Sheila alang sa Hongkong kauban ang iyang anak ug bag-ong uyab.
Di kaha si Mike maoy nipatay sa biktima tungod sa planong pagbiya ni Sheila kauban ang ilang anak? Angay bang bilangguon si Mike sa kasong murder kana kon ikaw ang pahukmon?
Hukom sa kasong murder
Ang akusadong si Chris nahukmang sad-an sa kasong homicide, di murder. Wa mamatud-I sa prosekusyon nga dunay elemento sa pagbudhi ang pagpatay. Ang elementong pagbudhi importante aron ang akusado makombikto sa kasong murder. Gisilutan siyang mabilanggo gikan sa 10 ngadto sa 14 ka mga tuig.