Libre nga eye check-up gipahigayon para sa Mandaue police

Libre sa check-up sa mata para sa mga pulis sa Mandaue. (Fe Marie Dumaboc)
Libre sa check-up sa mata para sa mga pulis sa Mandaue. (Fe Marie Dumaboc)

LIBRE nga eyesight check-up ang gihatag sa director sa Mandaue City Police Office, Byernes tibuok adlaw, Pebrero 8, ngadto sa mga pulis sa syudad.

Kini aron pagsiguro nga dili ra magka-problema diha sa mga anti-criminality operation ug uban pa nga trabaho nga himuon

kalabot sa pagpanerbisyo ug sa inadlaw-adlaw nga gimbuhaton.

Si SPO4 Theodore Fuentes, dili lang mga anti-criminality operation ang giatubang. Siya usab kasagaran ang mohimo sa mga paperworks alang sa mga report sa kinatibuk-an nga accomplishment ug uban pa sa Mandaue City Police Office.

Ug kay nagkinahanglan kini nga mag-atubang sa mga gadget sama sa computer, hinungdan nga iyang giangkon nga aduna gyud mga panahon nga mahago gyud ang iyang mga mata, ug usahay adunay problema sa mga basahon

nga anaa na sa layo.

Hinungdan nga dako ang iyang pasalamat, nga gihatag ni Police Senior Supt. Julian Entoma, pinaagi usab sa susama na og misyon o tabang sa mag-asawa nga Optometrist, ang libre nga pag-check-up sa eyesight.

“Nagpasalamt gyud mi nga nia sila dire, na-check-up amo nga mga mata nga libre, kay kini gud atong mata, importante kaayo ilabi na sa among panginabuhi ug pagpanerbisyo, isip sa usa ka pulis, ang among eyesight. Kay if dili na klaro, kon naa mi kriminal nga kinahanglan nga gukdon, nya masayop nya ta og pamusil tungod diay kay dili maayo atong eyesight. Sa mga surveillance nato, syempre dili gyud ka magpaduol sa subject, magpalayo ra ka, so atleast maklaro nimu siya, unsay color sa gisul-ob ang description gyud sa iyang nawong ug lawas, kay if magpaduol ka ma-burn out ka,”

pasabot ni Fuentes.

Gitug-an ni Dr. Lourdes Ayuban, nga nakita nila kon unsa ka daku nga tabang sa kapulisan sa komunidad, ug nakasabot sila nga usahay wala na kini panahon nga moduaw pa og eye clinic aron makapa-check-up hinungdan nga sila na mismo ang ni-extend sa ila usab serbisyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph