Kanhi barangay kapitan sikop sa raid

CAN-AVID, Eastern Samar--Kanhi kapitan sa usa ka barangay nadakpan sa kapulisan sa gihimong raid, alas 10 Huwebes sa buntag, Pebrero 7.

Giila ang suspek nga si Edwin Pomasin, 52, nagpuyo sa Barangay Carolina ning lungsod.

Matod sa kapulisan, taud taud na gipanid-an ang suspek.

Niini, miluwat og search warrant si Borongan City Regional Trial Court Branch 2, Judge Nathaniel Baldono sa kalapasan sa Republic Act 10591 o Comprehensive Firearms and Ammunition Law niadtong Miyerkules, Pebrero 6.

Giplano pag maayo sa kapulisan ang operasyon aron malikayan ang posibilidad nga magkapinusilay.

Ang maong joint operation gilangkuban sa kapulisan sa Can-avid pinangulohan ni Police Chief Inspector Alex Robin, Regional Special Operations Group- Eastern Visayas Police Senior Inspector Remegio Go, Provincial Drug Enfrocement Group Police Senior Inspector Tyrone Mark Cartalla, ug Eastern Samar Mobile Force Company Police Senior Inspector Brigido Salisi.

Hapsaya ra hinuon nga nasikop ang suspek atol sa operasyon.

Nakuha gikan kaniya ang usa ka granada, usa ka kalibre .45 nga pistola, mga bala sa nagkalain laing kalibre sa armas, silencer sa machine gun, ug holster.

Lakip sa nakuha ang tulo ka pakete sa gituhoang shabu nga nagkantidad og P3,000 ug duna usab usa ka plastic nga dunay sud marijuana.

Gidala gilayon sa presinto ang suspek kinsa gipasakaan na og kasong kalapasan sa ilegal nga paghupot og armas ug paghupot og ilegal nga droga.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph