GAWAS sa pag-standardize sa serbisyo sa matag property partner niini, labing ubos nga presyo sa akomodasyon ang tanyag sa RedDoorz sa mga Sugbuanon.
Ang RedDoorz, online app nga mopasayon sa booking ug motaban sa pagpalambo sa ilang budget partner-hotel nga gitawag nila og 'property' kon makauban na sa ilang sistema.
Niadtong 2018 dihang nisulod ang RedDoorz sa Pilipinas ug nakig-uban sa gagmayng hotel nga kaayoy pundo sa ilang advertisement.
Positibo ang resulta sa pakig-partner sa gagamyng hotel tungod sa pagtaas sa ilang occupancy rate
Sa pagkakaron, anaa na kini sa Metro Manila, Davao, Pampanga, Tagaytay ug ning ulahi sa dakbaan sa Sugbo.
Aduna na kini’y kapin 20 ka partners nga property sa Sugbo ug gatusan sa nasod.
Matod ni Rishabh Singhi, Chief Operating Officer sa RedDoorz, nga 95% sa kustomer nila sa nasod mga lokal ra usab.
Gibutyag niya nga niabot sa 150,000 ka mga users ang anaa sila sa Pilipinas.
“We are happy to provide our customers with impeccable accomodations at very competitive price points,” matod sa Chief Executive Officer niini nga si Amit Saberwal.
Singapore-based ang RedDoorz ug may opisina sa Manila.
Gawas sa ilang website, mamahimo nga mogamit sa ilahang app nga pwede sa iOS ug android.
Nasayran nga anaa na sa 680 ka properties sa 40 ka mga dagkong syudad sa Southeast Asia ang RedDoorzs sama sa Singapore, Indonesia, Vietnam, ug Pilipinas.
Gawas sa credit card option, mamahimo usab ang option nga mobayad sa hotel o pinaagi sa bank transfer ug 7-Eleven outlets. o bisan personal ang pagbayad ngadto sa hotel desk. (PR-HBL)