SECTIONS
Monday, April 22, 2019
SUPERBALITA CEBU

Talk to Papa Joe: Duda ug makigbuwag

Dear Papa Joe,

Ako diay si Ralf nga taga Carmen, Cebu, 29 anyos, nagpuyo sa Talisay ron. Usa diay ko ka security guard. Ang akong ka live in man gud, bugnaw na kaayo inig uli nako didto kay naa daw koy lain diri. Gusto man gud niya nga mouban nako diri pero maglisud man ko kay wa man koy papuy an niya diri. Naa ra ko sa guardhouse magtulganan kay di man gud ana ka dako ang sweldo nga hinatagan sa among agency.

Bisan unsaon nako pagpasabot, di gyud siya mosabot ug gusto niya magbuwag na lang mi kay lagi naa koy gitaguan. Di ko mosugot kay mingawon ko sa among anak. Matod pa niya mangita na lang siya og Amerkano. Unsaon man ni nako nga kon kwartahan pa ko, di ta ni maing ani. Palihug tambagi ko.

RALF

Ralf,

Usahay, uwahi na nato matagamtaman ang reyalidad. Mao bitaw, una mosulod og kaminyuon, planuhon una gyud kay tan-awa, nakaingon ka nga kon may kwarta pa lang ka, di ta ing ana. Pero unsaon man, makabuta ang gugma. Pero naa na man na, mas maayo nga hangyuon nimo imong amo nga makabisita imong asawa bisan duha ka adlaw man lang para makakita sad siya sa tinuod nimong sitwasyon. Basin mausab pa iyang panan aw nimo o ba kaha mo uli ka permi didto para mawa iyang duda.

Mingawon baya na nimo. Maayo ka kay malingaw ka kay daghan kang makita. Siya kaha? Daghang salamat.

PAPA JOE

( sa inyong tampo ipadala sa papajoesuperb@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!