MANILA – During sa send-off party sa atong pambato sa 13th Mister International nga si Mark Kevin Baloaloa nga gipahigayon sa miaging gabii sa Hotel Benilde, ang official residence sa candidates sa Mr. International.
Anam anam na sab ang pagpangabot sa candidates gikan sa nagkadaiyang nasud.
Ang Prime Event Productions Philippines Foundation (PEPPS) pinaagi sa presidente nga si Carlo Morris Galang maoy rason nga dia sa Pilipinas gipahigayon ang 13th Mister International human sa iyang pakigsabot ngadto sa international franchisor niini nga naka-base sa Singapore.
Sa nahisgutang send-off akong namatikdan nga medyo ma-uwawon si Mark Kevin pero nasayod ako nga pag-abot sa international candidates dili na siya pauwaw-uwaw, kinahanghang atimanon niya ang co-candidates niya since kita ang host country.
Sa Q and A mag-Tagalog kuno si Mark Kevin kay mas komportable kuno siyang mag-Tagalog kaysa mag-Inglis.
Kini ang ikaduhang higayon nga sa Pilipinas ipahigayon ang Mister International diin ang unang higayon niadtong tuig 2015.
Ang Pilipinas, nakakuha na og Mister International Crown pinaagi ni Police Officer , Niel Perez niadtong 2014.
Kapin sa 40 ka mga gwapong delegado ang magtigi nga magsugod pre-pageant activities nga sugdan karong February 14.
Adunay daghang lugar silang bisitahon ug usa na ang Ilocos Provinces.
Parehas ni Catriona Gray, very significant ang national costume nga gamiton ni Mark Kevin sa finals kay inspired kini sa “moon eating dragon”, the Legend of Bakunawa.
Si Michael Barassi maoy designer sa maong mythical costume samtang si Bea Bianca ang mag-provide kang Mark Kevin sa mga kinahanglanon niya sa casual wear ug sa formal wear naman si Olan Roque ang bahala.
Ang reigning Mr. International nga si Seung Hwan Lee from Korea present sa pre-pageant activities.
Ang coronation night ipahigayon sa February 24 sa One Esplanade sa MOA Seaside.
Goodluck Mark Kevin Boloaloa!