GIKUMPIRMAR ni Misamis Oriental Governor Yevgeny Vincente Emano nga ang Ako PaDayon Pilipino Party-list naglantaw lamang sa kaayuhan sa electric cooperatives.
Gipasabot niini nganong gitugotan sa ilang partido nga mahulaman sa electric cooperative kini tungod kay hinay-hinay nga nangawala ang mga electric cooperative sa nasud tungod sa mga pribado nga dili mokutay og kuryente kon lima lang ka bubong kay molantaw og ginansya nga dinagko.
“Ang Ako PaDayon Pilipino number 152 sa balota isip usa ka party-list ang naglantaw para sa kaayuhan sa electric cooperatives sa atong nasud,” matud ni Emano.
“Kung inyong namatikdan hinay-hinay na nga gipapha ang mga electric cooperative sa atong nasud ug ang nahitabo ehemplo daghan kaayo mga tao nga nagtrabaho diha kon makaptan sa pribado dili mokutay sa lima ka bubong ilang gilantaw ginansya man,” dugang niini.
Dili susama sa electric cooperative nga bisan pa napulo ka ektarya ang kalay-on ug pila lamang ka bubong ug makadawat dayon sa pundo gikan sa nasyonal ila gyod kini nga makutayan.
“Unlike sa sa electric cooperative nga bisan pa napulo ka ektarya ang kalay-on o 30 bisan lima ka bubong kon dunay madawat nga pundo gikan sa national ila gyod na kutayan dili maalkansi dili mabentahaan ug nakanindot sa kooperatiba kay tanan miyembro konsumante ang makabinepisyo unlike sa usa lang ka pribado nga maoy magpadala nga isa ra ka tao ang mahimongng bahandianon,” pasabot niini.
Gilantaw sab niini nga partido ang kaayuhan ug patas nga pag apod-apod sa kuryente ingon man mga problema karon sa kuryente nga giatubang dili lang sa Misamis Oriental apan sa tibouk pulo sa Mindanao.