SECTIONS
Sunday, February 17, 2019
SUPERBALITA CAGAYAN DE ORO

Gobernador ka-date ang mga iskolar sa Valentine’s Day

TUOD man single ang status ni Misamis Oriental Governor Yevgeny Vincente Emano apan dili zero ang petsa 14 adlaw sa kasingkasing tungod kay kini nga adlaw iyang gitagana ngadto sa iyang mga iskolar nga gitawag og “Iskolar ko Ni Bambi” (IKNB) nga maoy iyang mahimong ka-date.

Ang tinuig nga kalihokan sa IKNB ipahigayon karong umaabot February 14 sa Tagoloan Dome gikan sa alas 8:00 sa buntag ngadto na sa alas 5:00 sa hapon.

Nag-una nga kalihukan niini mao ang paghatag pasidungog sa mga iskolar nga migradwar labina sab niadtong mga mipasar sa mga licensure examination.

Aduna sab inspirational message gikan sa mga iskolar nga milampos sa ilang pagtuon aron maghatag kaikag sa mga tinun-an sa pagtuon.

“Mga igsuon karong umaabot katorse uban napod sa akong mga miyembro sa IKNB magkatigom napod dinha sa Dome sa lungsod sa Tagoloan alang sa paghatag ug pagtagad, paghatag ug pasidungog ug paghatag inpisrasyon sa pagpaminaw sa ilang classmate, batchmates karon nga nagmalampuson na sa ilang trabaho,” matud ni Emano.

Ning tuiga adunay moabot 2,000 kapin ka mga iskolar nga bag-ong nakasulod sa programa.

Nagsugod ang IKNB dihang kongresista pa si Emano ug iya kining gipadayon hangtod nahimong gobernador.

Moabot na sa 19,000 ka mga IKNB ang nigradwar sukad kini gisugdan ni Emano.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!