SUPERBALITA CEBU

Tagming: Mga ka-cheapan karon sa pelikula

GAYA-gaya puto-maya man ning gihimo karon nilang Liza Soberano ug Enrique Gil nga niangkon na nga duha na kuno katuig silang uyab.

Di ba mao man sad ni gihimo nilang Daniel Padilla ug Kathryn Bernardo nga niangkon sad nga lima na katuig ang ilang relasyon pila ka adlaw sa wa pa ang showing sa ilang pelikulang The Hows of Us?

Klaro kaayo nga gimik ra o kabahin ra ni sa promo ra ilang pelikula. Gone are the days nga ang ibaligya niadto ang kalidad gyud sa estorya ug pelikula. Karon puros na lang ka-cheapan!

DAPAT MAALARMA

Sakto ang obserbasyon ni Direk Erik Matti nga dapat maalarma na ang industriya sa pelikulang Pilipino tungod sa nagkagamay nang manan-aw og pelikulang Pilipino.

Una gyung rason ana mahal ra kaayo ang pulta. Liman kag P230! Unya inig tan-aw nimo sa salida mao ra gihapon ang estorya way bag-o.

Hasta indie film nga low-budgeted ra man unta pero ang pulta P220! Ngano mahal man kaayo?

Unya nakabantay mo sa mga salida ron? Bag-o pa gani gisalida sa sine pero ipagawas na dayon sa cable ug sa mga pay per vew sama sa TV Plus nga P30 ra.

Siyempre nganong motan-aw pa man ta og sine nga duna may mas barato di ba?

Kon ganahan sila mabalik ang kahinam sa mga Pinoy sa mga pelikulang Tagalog ila nang baratuhon ug mohimo sila og mga dekalidad nga salida.

CAMPAIGN PERIOD

Magsugod na karong adlawa, Martes, ang campaign period. So kadtong mga nanagan sa national position sama sa aktor nga si Lito Lapid gidid-an na tong mogawas sa telebisyon. Mao nang gitsugi na ang iyang karakter sa Ang Probinsyano.

Pero kadtong mga dili national position ang gidaganan sama nilang Mark Lapid, Jhong Hilario ug Edu Manzano mahimo pang ma-extend ang ilang exposure sa Probinsyano hangtod Marso 30 nga maoy unang adlaw sa election period nga nagdili sa tanang mga kandidato nga mogawas sa telebisyon.

VALENTINE SHOW

Karong Valentines Day naa diay sa Cebu ang cast sa “Bubble Gang” ug ang mga bida sa upcoming afternoon series sa GMA nga “Sahaya.”

Ang Bubble Gang mao ni longest-running comedy gag show sa Kapuso Network nga nagsugod niadto pang 1995. Asa kaha ang ilang Valentine show? Abangan!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph