SUPERBALITA CEBU

Migallen: Malisod nga tahas ni Guiao

Taym pa

DI MAN tuod ta makasiguro, pero dili lang sab ta angay magdahom og dako kalabot ning naghingutas nga kampanya sa Team Pilipinas alang sa laing hut-ong sa Fiba World Cup qualifiers.

Kini tungod kay, sama sa naandan, way saktong preparasyon ang team bisan pa man og sa gihatagan na unta si coach Yeng Guiao og go signal sa PBA nga makabira bisan kinsang player nga iyang gusto.

Pero mag-unsa man nang sakto ra ka sa paglista sa mga players alang sa imong lineup, unya dili gihapon makatunga sa praktis tungod kay atoa man sa ilang tagsatagsa ka mother teams ang prayoridad sanglit nagpadayon pa ang PBA Governor’s Cup.

Mao usab kini ang sitwasyon ni naturalized player Andray Blatche kinsa, kon way kausaban sa iyang schedules, milupad na kagahapon paingon sa China aron moduwa sa iyang mother team sa China Basketball Association (CBA).

Pipila lang ka adlaw si Blatche nga niabot dinhi sa nasod ug nakaapil sa ensayo sa Team Pilipinas nga dili sab kompleto.

Mahitapo siya og balik sa team sa Pebrero 16, lima ka adlaw sa dili pa ang ilang duwa batok sa host team Qatar, didto na sa Doha.

Sa niaging hut-ong sa Fiba Qualifiers diin ang Pilipinas maoy host, bubintaha tog gamay kay kompletong naka-ensayo ang mga players bisan hamubo ra ang mga adlaw.

Gani naglibog si coach Yeng Guiao kon kinsay iyang gamiton niadtong higayaona tungod kay nanubra na hinuon ang iyang mga players.

Wa niya masolido og kinsa gyud ang iyang dose ka regular players. Resulta? Wa gyud hinuon tay nadag-an sa duha ka duwa - batok sa Qatar ug sa Kazakhstan, sa ato pang balwarte.

Sa gikaingon ko na, wa pa man tuoy siguro pero di lang gyud ta maglaom og dako.

Sa akong pagpakighinabi ni PBA Commissioner Willie Marcial sa uwahing bahin sa niaging tuig dihang naka cover ta sa semifinals sa niaging conference, iyang gipasabot nga lisod nga hunongon sa makadiyot ang nagpadayon nga conference sa PBA aron makahatag og panahon kadtong mga piniling players nga makaensayo sa Team Pilipinas.

Matod niya nga kini tungod kay committed siya sa iyang mga sponsors ug advertisers og pipila ka mga adlaw ug duwa sulod sa conference nga maoy nalatid sa ilang kontrata.

So, kinahanglan makuha niya ang number of days sa ilang gikasabutan. Mao ni rason nga dunay conflict sa duwa sa PBA ug sa ensayo sa Team Philippines.

Kini maoy dakong hagit ni Guiao ug sa tibuok puwersa sa Team Pilipinas.

Kinsay nasayod nga ang ilang nahimo sa niaging Asian Games diin taliwala sa pipila lang ka semana nahulma ang Philippine Team, pero maayo kining nakalabot batok sa ilang mga kaatbang sa maong competition.(junmigs0622@yahoo.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph