56 ka sports sa umaabot SEA Games sa Pilipinas?

MOKULIT og makasaysayon nga record ang Pilipinas sa pag host niini sa 30th Southeast Asian Games karong Nobiyembre 30 ngadto sa Disyembre 11 karong tuiga.

Kini human mipadayag nga mga tigpasiugda sa kaandam sa nasod sa pagpapasiugda og 56 ka mga sports sa matag duha ka tuig nga kompetisyon sa natad sa paugnat sa kusog nga salmotan sa mga nasod sa Southeast Asia.

Sukad pagsugod sa SEA Games niadtong 1959 didto sa Bangkok, wa pa mahitabo nga ingon ani ka daghan sa mga events nga pagatigi-an.

Kini maoy ikaupat nga higayon nga ang Pilipinas mo host sa SEA Games diin moabot ngadto sa 11 ka mga silingang nasod ang magkombati sa dul-an duha ka semanang kompetisyon.

Una niadtong 1981 diin 18 lang ka sports ang napahigayon nga gisunod niadtong 1991 nga may 28 ug sa 2005 nga miabot og 40 ka mga events.

Si Philippine Olympic Committee (POC) president Ricky Vargas mipasabot nga daghang rason kon nganong tinguha nga modaghan ang mga events sa umaabot SEA Games.

Matod niya nga usa sa katuyoan niini mao nga daghang mga events nga ang Pilipinas adunay dakong kahigayonan nga maka-gold.

Sa nangagi, ang Thailand maoy nakahost og pinakadaghang sports disciples diin miabot ngadto sa 44 sa tuing 2011.

Sa 2015 diin daghan usab ang mga sports disciplines, ang Pilipinas mibukad sa ilang kahigayonan nga maka gold. Nahimo kining overall champion sa unang higayon.

Kining maong formula maoy sundon ni Vargas kinsa mibutyag nga ang ilang target nga malakip sa Top 3 ang nasod. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph