SECTIONS
Monday, February 18, 2019
SUPERBALITA CEBU

Pambansang Manok gisumsum sa Beermen; Victolero nabalaka

HUMAN nasugamak ang Magnolia Ang Pambansang Manok Hotshots sa dakong kapildihan batok sa San Miguel Beermen, 92-113, si coach Chito Victolero nipadayag na sa iyang kabalaka kabahin sa ilang kampanya sa 2019 Philippine Basketball Association (PBA) Philippine Cup.

Nagkanayon si Victolero nga ning puntoha, kinahanglan nilang hangupon ang matag duwa nilang pagasagubangon sa umaabot nga krusyal.

Ang Hotshots, nga mao unta’y runner-up sa Beermen sa finals ning maong komperensiya sa miaging season, wala pa’y daog sulod sa duha ka mga duwa. Nasubhan sila og 75-80 nga kapildihan batok sa Talk N’ Text KaTropa.

“Right now, we have to have that sense of urgency. Kailangan na naming mag-start mag-laro ng laro namin. Kasi mahirap malubog,” matod sa 2018 Baby Dalupan Coach of the Year awardee sa interbyu sa PBA.PH.

“Wala pa talaga kami sa rhythm at sa timing.”

Gipasabot ni Victolero nga wala pa mogawas ang tiunay nilang kapabilidad nga nagpahimo kanilang kampiyon sa miaging Governor’s Cup.

Nagkanayon si Victolero nga iyang giawhag ang tanan niyang mga magduduwa nga modugang og kayod aron mahibalik ang saktong kondisyon niini.

Sa laing bahin, gipakgang sa Rain or Shine Elasto Painters ang pagsutoy sa Phoenix Pulse Fuel Masters pinaagi sa 98-94 nga kadaugan sa laing duwa niadtong Dominggo.

Niini, nailog sa Elasto Painters ang liderato dala ang 6-1 nga rekord samtang ningdakin-as sa ikaduhang luna ang Fuel Masters bitbit ang 5-1 nga baraha. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!