NAHILAKIP si ALA fighter Donnie “Ahas” Nietes sa major awardees sa Philippine Sportswriters Association (PSC) Annual Awards Night karong Pebrero 26 sa Manila Hotel.
Gawas ni Nietes, kinsa maoy WBO super flyweight champion, naa sab sa listahan ang sama niyang boxing world champion nga si IBF super flyweight king Jerwin Ancajas, World Artistic Gymnastics Championships bronze medalist Carlos Yulo ug ang Asian Para Games winners.
Si Nietes miangkon sa bakanteng WBO super flyweight title pinaagi sa impresibong split decision nga kadaugan batok kang Kazuto Ioka niadtong Disyembre 31 sa Japan.
Ning maong kadaugan, nahimong four-division world champion si Nietes nga nagpahilakip kaniya sa nila ni Nonito Donaire ug Manny Pacquiao isip Pinoy nga mga boksidor nga nakabaton og world titles sa upat ka weight divisions o labaw pa. (ESL)