SECTIONS
Tuesday, February 19, 2019
SUPERBALITA DAVAO

Tambagi ko Noy Tikyo: Magkita gihapon sa ex

DEAR Noy Tikyo,

Maayong adlaw. Minyo ko. Apan sa wala pa mi magkita ning akong nabana karon, duna koy uyab kapin usa ka tuig. Ako siyang gibuwagan human ko makahukom nga makigminyo sa akong bana karon.

Di unta siya mosugot apan wala siya’y mahimo.

Ang maong panagbuwag, wa nagkahulogan nga wa na koy gugma niya. Kon di nakita ko nga mas duna koy maayong kaugmaon sa akong bana karon nga usa ka engineer apan love gihapon nako siya.

Sa laktud, pulos ko sila gihigugma, apan miabot lang ang higayon nga angay kong mopili nilang duha.

Dili dali sa akong bahin nga buwagan ang akong uyab. Gani, karon padayon ming magkita ug magkuyog nga wa masayud ang akong bana.

Gani kanunay ko niyang gihangyo nga magbalik mi. Wa na ko masayud sa akong buhaton gawas sa pag-ingon kaniya nga angay ko unang hunahunaon kini. Please tabangi ko.

Lenie

*****

Lenie,

Angay mo nang kalimtan ang imong kanhi boyfriend kon gusto kang matunhay ang imong pagpuyo.

Barugi ang imong kaminyuon ug kalimti na ang imong uyab kay lahi na man ang level sa imong kinabuhi karon.

Kon makigdate gihapon ka niya, kahasol lang ang imong makuha ug posibleng makasala ka pa unya.

Ayaw na siya palauma pa kay siguradong maghuwat siya niini. Pasagdi na siya sa iyang kinabuhi ug padayon na sa imong kaminyuon.

Busa usaha na ang imong kasingkasing ug hunahunaa aron nga di na ma-complicate ang imong kaminyuon. Kay wa may maayong kapaingnan kanang imong pagpakig-communicate gihapon sa imong kanhi uyab. Siya pa unya ang makaguba sa inyong kaminyuon.

Noy Tikyo


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!