SECTIONS
Tuesday, February 19, 2019
SUPERBALITA DAVAO

Lokal Kasikas: Oplan Kalinaw sa Sumimao

MALAMPUSON ang gipahigayon nga Oplan Kalinaw sa Davao City Police Office (DCPO) sa Barangay Sumimao, Paquibato District, Davao City niadtong, Huwebes, Pebrero 7.

Alas 8 sa buntag, nagpanon na ang mga residente sa ilang gym aron mohimulos sa serbisyo nga dala sa kapulisan nga gipangunahan Police Superintendent Randy Sambalod, hepe sa Police Community Relations Office.

Usa ka joint area security community service and protection operation plan ang gihimo sa kapulisan aron masiguro nga anaa sa luwas ang mga residente.

Atol sa programa natigayon ang registration sa mga residente, free medical services nga gipangunahan ni Dr. Guerlaw Andolana sa Regional Health Service; Police Regional Office (PRO)-Davao Region; feeding program nga gi-isponsoran sa City Government of Davao, children's party games ug mga surprises ug daghan pa alang sa 400 ka mga tawo lakip mga bata.

Gipahibalo sab ang mga residente sa paglikay sa mga butang aron di matigayon ang pangabuso sa kabataan.

Lakip sab sa gihisgutan mao ang isyu sa trafficking, terrorism, insurgency ug ang pagpasabot sa mga ordinansa sa ning siyudad.

Giapil sab sa paghisgot sa programa mao ang kampanya batok sa mga tawo nga hubog nga magmaneho ug ang wala nakahelmet, pangdakpon.

Gisilbi sab ang warrants of arrest sa mga tawo nga dugay nang gipangita sa balaud.

Anaa sab ang presensya sa 16th IB Charlie Company, Philippine Army, barangay officials ug ang ilang mga functionaries.

Siyempre dili magmalampuson ang tanan kung wala ang suporta sa director sa DCPO, Senior Superintendent Alexander Tagum ug ni Police Chief Inspector Achellis Bargio, hepe sa Paquibato Police Station.

Naa sab si DCPO spokesperson Police Senior Inspector Ma. Teresita Gaspan, ug Police Senior Inspector Eliza Ramirez, hepe sa Women and Children's Desk (WCPD) ug mga personahe sa City Mobile Force Company.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!