SECTIONS
Tuesday, February 19, 2019
SUPERBALITA DAVAO

Editoryal: Balaod sa Comelec

SUKAD Lunes sa hapon, duna pay daghang mga tarpaulins ug posters sa nagkadaiyang kandidato sa eleksiyon ang nakasangit ug nakadikit daplin sa kadalanan dinhi mismo sa dakbayan.

Kini bisan paman sa mando sa Commission on Election (Comelec) nga tangtangon ang mga nahisgutan aron nga hatagan og dalan ang kampanya sa mga senador karong adlawa, Pebrero 12.

Namatikdan man god nga sayo pa niadtong Enero ning tuiga, daghan nang mga tarpaulins ug posters ang gipangbitay sa daplin sa kadalanan bisan pa kon wala pa ang pormal nga campaign period alang sa midterm election sa Mayo.

Di lang national nga kandidato ang namitay og mga tarpaulins, mas labaw na gyud ang mga kandidato sa lokal nga sa Marso pa unta magsugod ang ilang campaign period.

Gawas niini, di pa gyud matantiya kon ang gidak-on sa ilang mga tarpaulin ug poster nahaum ba sa sumbanan sa Comelec kay lagpad man kaayo ug naa ba sa common poster areas.

Kagahapon ang deadline nga gihatag sa Comelec sa pagbaklas niini. Ug nagbahad ang komisyon nga di lang magmahay ang mga kandidato nga nagpakabuta-bungol sa maong kamandoan kay pasakaan sila og reklamo nga posibleng mohatag kanila og suliran unya, pag-abot sa eleksiyon.

Motuo kaha kita sa katarungan sa pipila ka mga kandidato nga wa sila masayud nga dunay gisangit nga ilang mga tarpaulins ug posters?

Hagbay na kini nga katarungan sa mga kandidato niadto pang milabay nga mga eleksiyon nga mora na og plakang guba nga gabalik-balik.

Karon nato masukod kon duna bay ngipon ang balaod sa Comelec.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!