16 ka pulis gipakasal sa simbahan

Si Mandaue City Police Office chief Sr. Supt. Julian Entoma ug Soccoro. (Alan Tangcawan)
Si Mandaue City Police Office chief Sr. Supt. Julian Entoma ug Soccoro. (Alan Tangcawan)

HUMAN makasal sa huwes sud sa 22 ka tuig, nakasal na gyud sa katapusan sa simbahan ang hepe sa Mandaue City Police Office (MCPO) nga si Sr. Supt. Julian Entoma ug si Soccoro.

Usa sila sa 16 ka paresan nga kabahin sa mass wedding nga gilusad sa Police Regional Office (PRO) 7 atol sa ika-28 ka tuig nga anibersaryo sa Philippine National Police (PNP) Lunes, Pebrero 11.

Matod ni PRO 7 Director Chief Supt. Debold Sinas, nitambong mismo sa mass wedding ang ilang Deputy PNP Chief for Operation nga si Deputy Director General Francisco Gamboa.

Nitambong pud ang consul general sa China nga si Jia Li.

Nagsilbe sila ni Gamboa ug Li nga mga ninong sa 16 ka paresan nga gidungan pagkasal sa Saint Ignatius Chapel. Usa usab sa mga ninong si Cebu City Councilor Joel Garganera, pangu sa Cebu City Police Advisory Council.

Giabaga sa PRO 7 ang tanang gasto lakip na sa pagkaon sa mga bisita ug mga pamilya sa gipangkasal.

Gawas sa libre nga litson ug daghang pagkaon nga giandam ang PRO 7, aduna usab silay tagsatagsa ka sobre nga adunay sulod nga tag P5,000.

Ang PRO 7 na usab ang nigasto sa duha ka adlaw ug tulo ka gabii nga pag-estar nila sa hotel ug gihatagan sila og tulo ka adlaw alang sa ilang honeymoon.

“Mao nang gwapo ilang mga gown ug naa poy another P5,000 equivalent kanang hotel honeymoon,” matod ni Sinas.

Naandan na ni Sinas bisan asa siya madestino, iyang ipakasal sa simbahan ang mga pulis nga dugay na nga nag-ipon.

Kini ang labing unang higayon nga ang PRO 7 milusad sa mass wedding.

Nakasabot si Sinas nga adunay mga magtiayon nga dugay nagpakasal ilabi na nga gamay pa ang sweldo sa mga pulis kaniadto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph