SUPERBALITA CEBU

Mga illegal nga materyal sa kampanya pangtangtangon

ANDAM na ang mga komitiba sa matag lokalidad sa Sugbo nga manangtang sa mga illegal campaign posters sa pagsugod na sa campaign period karong adlawa, Pebrero 12, alang usab sa mga kandidato pagka-senador ug partylist.

Matod ni acting Provincial Election Supervisor, Atty. Jerome Brillantes, ang mga election officer, nga maoy chairman, nakaumol na sa komitiba nga gilangkuban usab sa lokal nga kapulisan ug sa mga tinugyanan sa Municipal o City Engineering Office sa matag LGU.

Apan giklaro ni Brillantes nga ang illegal campaign posters lang sa national candidates ang mahimo nilang matangtang ug dili pa maapil kadtong lokal nga kandidato kay sa Marso pa man magsugod ang ilang campaign period.

Base sa monitoring sa Cebu Provincial Comelec, dunay daghang kandidato nga nagpataka og montar sa ilang campaign material, duna sa’y daghan nga nigamit sa sayop nga sukod sa mga poster.

Sigun ni Brillantes, magpaabot pa hinuon og 72 oras o tulo ka adlaw gikan karong adlawa sa dili pa sila magsugod sa pagpangbaklas. (AZLG, SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph