SECTIONS
Tuesday, April 23, 2019
SUPERBALITA CEBU

Groundbreaking sa Resource Center sa Peb. 18

BISAN sa pagsupak sa pipila ka mga heritage advocate, gitakda na sa kagamhanan sa lalawigan sa Sugbo ang groundbreaking sa P1.3 bilyones nga Provincial Resource Center karong Lunes.

Ang WT Construction Inc. (WTCI), ang nidaug nga contractor nga motukod sa edipisyo sud sa 790 ka adlaw, nikural na sa luna sa Bureau of Agriculture-Extension building diin pabarugon ang 20 ka andanang resource center.

Si Gobernador Hilario Davide III nikompirmar nga human sa groundbreaking magsugod sab ang pagguba sa Baex building.

Sa giaprobahan nga P1.9 bilyones supplemental budget sa Sangguniang Panlalawigan sa Sugbo niadtong Hunyo 4, 2018, P1.5 bilyones ang gitagana alang sa katukoran sa provincial resource center samtang P600,000 alang sa demolisyon sa Baex building.

Sumala ni Jone Siegfred Sepe, vice chairman sa Bids and Awards Committee (BAC) sa Kapitolyo, sa higayon ma-notarize na sa Provincial Legal Office ang kontrata nga gipirmahan ni Davide ug WTCI, i-serve ang notice to proceed (NTP) ning semanaha.

Siya nidugang nga sa higayon ma-serve na nila ang NTP, iduso nila ngadto sa Provincial Engineering Office ang tanang dokumento kay magsugod na ang construction phase sa proyekto nga naglakip sa demolisyon nga matuki sa pre-construction conference. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!