SECTIONS
Monday, February 18, 2019
SUPERBALITA CEBU

Mga kawani way sweldo

TUNGOD sa padayong away tali sa barangay kapitan sa Mambaling, Cebu City ug acting barangay captain, ang 113 ka mga kawani wa pa masuweldohi.

Magwalo na usab ka buwan nga wa makadawat og honoraria silang acting barangay captain Ann Palomo.

Laing wa makadawat mao ang tulo ka mga barangay konsehal nga kaalyado sa Bando Osmeña Pundok Kauswagan (BOPK).

Matod ni Palomo, di siya maka-transact sa banko aron masweldohan ang mga kawani sanglit atol sa ilang session, di sila magka-quorum kay tulo ra ang iyang konsehal.

Si Barangay Kapitan Gines Abellana di sab maka-transact sa banko bisan sila ang mayoriya kay ang Land Bank of the Philippines ni-suspend sa ilang transaction hinungdan nga di sila maka-withdraw og pundo para pang-sweldo.

Si Palomo nilingkod isip acting barangay captain human nipakanaog og desisyon ang komitiba sa Cebu City Council nga nagsuspenso kang Abellana gumikan sa grave abuse of authority sa wa pag-release sa honorariun ni Palomo ug tulo ka mga konsehal.

Nitumaw ang tensyon tali sa duha ka barangay kapitan sa Mambaling kagahapon sa udto atol sa imbentaryo sa propiyedad sa barangay. Kapin sa 10 minutos ang ilang tinubagay sa second floor sa karaang barangay hall.

Giingnan ni Palomo si Abellana nga wa na siyay katungod nga moistar sa barangay hall sanglit siya suspendido. Si Abellana niingon nga way authority si Palomo gikan sa DILG.

Makita ang video niini sa Facebook page sa Superbalita Cebu. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!