SECTIONS
Sunday, April 21, 2019
SUPERBALITA CEBU

Kandidato gi-awhag sa pagtuman sa campaign period

Campaign posters dapat naa lang ibutang sa designated places. (SunStar file)

GA kandidato nga magpapili pagka-senador ug representante sa party-list ug ilang mga supporters ang giawhag nga motuman sa campaign guideline sa pagsugod na sa national campaign period, Pebrero 12.

Samtang, ang gihimo nga roadshow sa Mandaue City Comelec sa Vote Counting Machine (VCM) gi-snub sa Mandauehanon.

Moabot lang sa 20 ka mga tawo ang nipahimus sa kahigayunan nga matudluan sila o ma- refresh ang ilang kahibalo sa paggamit sa VCM, nga maoy gamiton sa umaabot nga piniliay, kini atol sa pagpahigayon sa VCM roadshow niadtong Sabado, Pebrero 9, sa Pacific Mall.

Ug imbes nga tibuok buntag sa Pebrero 11 ang gihimo nga laing roadshow sa VCM diha na sulod sa Mandaue City Sports Complex, kutob ra sila sa alas 10.

Human nga alas 9 pa lang sa buntag, wala nay niduol pa kanila, bisan pa gani og nanawag sila sa pipila ka mga nituyo duol sa sports complex.

Ang syudad sa Mandaue ang ikaduha nga lugar sa Sugbo, nga nihimo sa VCM roadshow, kini ilabi alang unta sa mga first-time voters.

"Sometimes ang ila man gud only when they need it, murag para nila, they don't need it now. Pareha ra gud sa rehistro, we keep informing people nga on-going ang registration, but dili gihapon sila, unya na sila if maabot na ang deadline.

Sometimes, kana siguro atong culture that we don't care when we do not need it," asoy ni Atty. Anna Fleur Gujilde, ang election officer sa Mandaue City.

Karong Pebrero 18, lain ug katapusan nga VCM roadshow ang himuon sa Mandaue City Comelec, diha gihapon sa Mandaue City sports complex.

Panghinaot nila nga mo-avail niini ang mas daghan pa nga first-time voters.

Sa pagsugod sa Pebrero 12, sa campaign period sa mga kandidato sa pagka-senador ug representante sa Partylist, hangyo na ni Atty. Gujilde ngadto sa mga kandidato ug sa ilang mga supporters nga nipahimutang og mga posters ug billboard diha sa mga nagkadaiyang lugar sa Mandaue City, nga motuman lang sa comelec campaign guidelines.

Ug dili na mopaabot pa nga mohimo og operasyon baklas ang Comelec, ug pasakaan pa sila og kaso.

Daan na nga nipahibaw ang Comelec nga ang size sa mga posters alang sa mga magpapili, kinahanglan 2 by 3 feet lang alang sa hulagway sa usa ka kandidato, ug 12 by 16 feet kon billboard sa grupo o indibidwal.

Gipahinumdoman usab nga sa common poster area lang gyud ipahimutang.

Hinuon usa sa billboard sa usa ka kandidato sa pagka-senador ang nabantayan nga gilangkat na Martes sa buntag, nga anaa diha dapit sa may dan, sa may barangay Tipolo.

Alang sa mga lokal nga kandidato, sa Marso 29 pa magsugod ang ilang campaign period.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!