SECTIONS
Sunday, May 26, 2019
SUPERBALITA CEBU

Aron way mag-away sa motel

police-cars

MGA lodge, inn, motel ug uban pang mga dapit nga hugopan sa mga tawo atol sa Valentine’s Day bantayan sa kapulisan.

Tumong nila nga way mag-away kay mag-ilog og check-in.

Ang Mandaue City Police Office (MCPO) mopa-roving sa mga mobile patrol karong Huwebes, Pebrero 14, Valentine’s Day.

Samtang ang Police Regional Office (PRO) 7 mopabantay sab ning mga dapita aron way menor-de-edad nga makasulod.

Matod ni Chief Inspector Mercy Villaro, tigpamaba sa MCPO, nga sud na sa pipila ka tuig nga ilang gi-monitor ang maong mga establisemento matag “adlaw sa kasingkasing.”

Ilang nabantayan nga alas 4 pa lang sa hapon, hangtod na sa kaadlawon, managlinya ang mga paresan samtang magpaabot sa turno.

Adunay ubang motels nga moabot sa gawas ang linya sa mga sakyanan hinungdan nga maghuot ang trapiko.

Nakig-alayon usab ang MCPO sa Traffic Enforcement Agency of Mandaue (Team) alang niini.

Lain nga doble nga seguridad ang gisiguro sa awtoridad mao ang malls ug restaurant.

“For February 14, because it has been a yearly tradition na nato mga Pinoy nga mo-celebrate gyud ani, not just for lovers but also sa magpamilya, and dungan sad na sa tingsweldo sa uban. So, we are expecting influx of shoppers ug mangadto’g restaurants. So, police visibility, mas daghang pulis atong iladlad sa palibot sa maong mga establishments, and places of convergence. Naa sad tay ipa-roving mga patrol car sa mga motel, lodge, kay sa mga previous years ato na nabantayan naa gyuy managlinya. So to avoid nga naay mag-awayan o lalis (magpa-roving og pulis,” tug-an ni Villaro sa Superbalita Cebu.

ARON WAY MENOR

Director sa Police Regional Office (PRO) 7, nipagawas og kamandoan sa tanang city ug provincial police directors sa pagbantay sa mga kalihukan atol sa kasaulogan sa Valentine’s Day, sama sa mga concert aron di sila malutsan og Ecstasy.

Lakip sa monitoron ang motels ug hotels nga adunay mga mo-check in nga magdalag mga babayeng menor de edad.

Matod ni Chief Supt. Debold Sinas nga ilang bantayan kon adunay himuong dagkong kalihukan sama sa concert.

Makig-alayon sila sa organizers aron kalikayan nga masobli ang nahitabo kang Ashley Abad nga namatay tungod sa overdose sa Ecstasy.

“We are checking kanang mga concerts nga ang target mga millennial. Mao na among gi-monitor karon and we have requested PDEA to assist us para ma monitor nato,” matod ni Sinas.

Kinahanglan nga adunay mga pulis nga mo-roving sa hotels ug abisohan ang mga attendant nga mo-report kon adunay mamatikdan nga nagdalag menor de edad sa usa ka kwarto.

Nagtagbo ang security officers sa mga hotel sa syudad aron makatabang sa pagpugong sa krimen sa sulod sa ilang mga establisemento.

Apan kasagaran nga wa motambong kadtong mga gagmayng motel.

Si Sinas nimando nga kon adunay mga langyaw nga nagdala og mga menor, tawgon sila aron ma hold.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!