SECTIONS
Thursday, May 23, 2019
SUPERBALITA CEBU

20 anyos patay sa buy bust; shabu gikan sa Cebu: Pulis

palo-leyte

PALO, Leyte - Regional Drug Enforcement Unit (RDEU) 8 mosusi kon diin sa Cebu gikan ang drugas nga ilang nakuha sa duguong buy bust operation sa Youngfield, Tacloban City.

Niadtong alas 8:36 sa Biyernes sa gabii, Pebrero 8, napatay sa buy bust operation si Von Fheinry Grandiza, 20, taga Real st., usa ka tinun-an sa college sa Cebu City.

Giingong nisukol si Grandiza hinungdan nga napatay sa pinusilay.

Sa press conference sa Police Regional Office (PRO) 8, gibutyag ni Police Superintendent Harry Sucayre nga gikan sa Cebu ang drugas nga gibaligya ni Grandiza.

Dugang ni Sucayre, ilang susihon diin dapit sa Cebu ang gikuhaan ni Grandiza.

Naa sa listahan sa PRO 8 si Grandiza isip level 2, high value target gumikan kay dako nga transaksyon ang gisudlan.

Dugang ni Sucayre, nigawas ang pangan ni Grandiza human nila masikop ang usa sa gibaligyaan niini.

Gikan na nitahan kaniadto sa Oplan Tokhang si Grandiza.

Ila kining gipanid-an human nigawas ang ngan niini.

Ang pamilya sa napatay giingong buot mokiha batok sa mga pulis.

Matod ni Sucayre, andam sila nga moatubang sa reklamo nga ipasaka sa pamilya.

Gibutyag ni Sucayre nga kapitan sa barangay ang inahan ni Grandiza.

Sa operasyon, nasikop usab ang laing walo ka mga tawo diin duha niini ang high value target sa kapulisan ug duna usab menor.

Ang duha nga HVT mao sila Archie Claridad, 21, senior high school ug Harold Bato, 22.

Matod ni Sucayre, positibo sa paggamit sa ilegal nga drugas ang mga tawo nga ilang nasikop.

Nakuha sa operasyon ang walo ka mga pakete sa gituhoang shabu nga naa sa kustodiya sa Crime Laboratory.

Dismayado naman si PRO 8 Director Dionardo Carlos sa operasyon nga naglambigit sa mga tinun-an.

Subay niini, gitutokan karon sa kapulisan ang mga pantalan sama sa Allen sa Northern Samar ug sa Southern Leyte.

Matod ni Sucayre, minus na ang drugas nga makalusot sa airport gumikan sa kahugot sa seguridad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!